——「廈門老戰士合唱團」佮「廈門老朋友藝術合唱團」將卜聯合獻唱《正月點燈紅》佮《閩南漁歌》

厦门日报報 導講，第四屆世界合唱比賽將卜佇咧今年（2006）年7月，坫廈門市隆重來舉行。為著卜予世界各所在的儂客 親身來感受廈門即座城市的風采，作為比賽的主辦方——廈門市，決定卜趁即擺的機會，kā 上kài 會當代表廈門的「閩南歌謠」展（show）出來予儂客欣賞。根據瞭解，現此時 有「廈門老戰士合唱團」佮「廈門老朋友藝術合唱團」當咧 kut力 排練做準備，按算講 時到 卜 聯合 出場 表演。 報導介紹講，「廈門老戰士合唱團」佮「廈門老朋友藝術合唱團」攏總有150外个團員，年歲攏超過50，上老的80外。兩个團組合排練，時到按當中選拔出 100个比較較優秀的團員上臺演出。廈門老朋友藝術合唱團首席指揮楊炳維介紹講，即擺參賽曲目是in超工揀的，會使講是閩南儂真正熟似的兩條民間歌謠—— 《正月点灯红》佮《闽南渔歌》。楊先生講：「廈門在地的民間歌謠真讚、真滂湃，愛好好來推捒……時到，世界各所在的儂客來到咱廈門，in當然會想卜瞭解廈 門。廈門儂作為即擺比賽的主儂，定著愛將咱厝上kài正港的閩南傳統藝術chhoân出來予儂看。」