喙講父母話，手寫母語文，各位親愛的鄉親好朋友，”線頂母語開講”，今仔日來做第（3）集。食茶、開講、練仙khà-kho̍k，逐个做伙來哦——
閒仙仙：
“太白金星”，有佇咧無？

太白金星：
有咧！

閒仙仙：
汝tī時來的啦？無聲無說（seh）……

太白金星：
日晝恁頭家娘無佇咧？

閒仙仙：
Mài啦，mài定定講頭家娘啦！講he，傷感情啦……

太白金星：
Soah有感情囉？Chiah-nih緊？

閒仙仙：
無啦…汝是咧講啥啦？啥物咧感情！儂我是講”傷腦筋”啦。。哎呀…汝…

太白金星：
汝本然日晝時計有睏，敢毋是？

閒仙仙：
嘛無一定啦……今仔中晝，陪”彩雲仙”mm開講，soah毋知時間超過。著是安呢，毋chiah會無去睏。汝即个儂有影真害，頭殼攏全想想一寡有的無的，講he啥物”頭家，頭家娘”。

太白金星：
時間過貢去，soah bōe睏咧？

閒仙仙：
是啦。汝瞭解著好。汝毋通烏白講，磕bē著，就講啥物”頭家娘”……若注死去予頭家聽著，唬，ah我性命無去！

太白金星：
汝工地是佇龍海tó-lo̍h咧？

閒仙仙：
紫泥啦。

閒仙仙：
按怎，汝探聽這卜乜代？敢講汝是卜去共阮頭家投？

太白金星：
安啦，我卜tó會安呢做啦？儂頭家伊嘛想卜升級 neh！我看，伊顛倒佫會感謝汝汝啦。

閒仙仙：
哦……啊？！佫愛共我感謝？

閒仙仙：
哎呀，汝哪會佫講著”升級”啦？汝即个儂哪會安呢啦，不時摕即層代誌出來咧餾……汝有影雜唸to̍h著！

太白金星：
頭家若趁著錢，計嘛想升級。汝嘛 siâng。

閒仙仙：
Siâng？我咧無siâng師傅咧！共汝講啦，毋是所有的頭家攏安呢啦。汝毋通一支竹篙押倒一船載。

太白金星：
昨日汝無去”雨中情”，今日下晡敢無按算卜補一个仔”日下情”？

閒仙仙：
是卜kiau啥儂去補？啥儂願意佮咱做夥來補？著啦，毋是所有的頭家儂攏像汝講的hiah-nih-á毋是款啦。

閒仙仙：
汝真夠力，汝若做頭家，保證無儂敢予汝倩薪勞。

太白金星：
有囉！敢毋是誠濟儂欣慕汝……

閒仙仙：
無啦。我to無咧做頭家koh!!

閒仙仙：
“海龍王”咧？今仔日無來？海龍王辭水——反常！

閒仙仙：
即箍”海龍王”chiah有影咧做頭家。咱攏毋是。

太白金星：
往過，番仔捌kā李鴻章的頭銜譯做副皇帝，照安呢講，汝嘛是副頭家。

閒仙仙：
我副頭家？汝咧講啥？我聽無……

太白金星：
講汝副頭家。

閒仙仙：
哭夭，頭家也有副的？是汝封的？

太白金星：
當然嘛是有。

閒仙仙：
哦。若真正卜我做副頭家，安呢我著愛先來換頭路，換一个較少年的頭家，無我一世儂烏有去。

太白金星：
免儂封，事實就是安呢。

太白金星：
怎樣講”一世儂烏有去”？

閒仙仙：
汝kā想看māi咧，阮頭家今年五六十、六七十歲咧，in柴耙，無五十，嘛有四十，安呢我毋著吐吐死，死予伊看？！

閒仙仙：
所以，既然有心卜做副頭家，無換一个較少年的頭家，是卜哪會用得啦？！

太白金星：
哈哈哈，叫汝做副頭家，無叫汝做副翁啦。

閒仙仙：
哦…汝頭先敢毋是即款意思？汝是咧共我裝痟的？

太白金星：
儂我是講予汝做公司的宰相，汝家己想對tó-lo̍h去……

閒仙仙：
啊！汝即个儂，實在足奸巧的！我是頭毛店關門——無理髪（無汝法）！

太白金星：
是汝家己咧lām-sám想，mài咧牽拖我。

閒仙仙：
安呢汝毋著冗早（liōng-chá）講予清楚……害我咧，哎呀，汝……我一世儂的名聲，險予汝敗害了了……有影足危險的！好得，無中著汝的臭計……佳哉佳哉…阿彌陀佛～

太白金星：
唬！冤枉冤枉，真正冤枉無tè講！儂我最頭是比李鴻章予汝聽。Ah儂”李鴻章”也毋是咧”張居正”著毋著，哪有可能做hit款代志啦？是汝家己咧七想八想，想對頭家娘遐去。

閒仙仙：
哦…安呢是我想歪去？我毋著愛佫共汝會失禮？

太白金星：
啊，免啦免啦！恁“菜瓜”是“絲瓜”（普通話）抑是“醃瓜”？

閒仙仙：
汝若無 起曲頭，我嘛bē去予汝術去。“菜瓜”是“絲瓜”（普通話）啦。

太白金星：
哦，汝soah佫會記得“起曲頭”哦？

閒仙仙：
當然啦。汝講的，阮哪敢放boē記咧！

太白金星：
安呢好。

閒仙仙：
真正會予汝害死！我別日kiau汝講話，著愛較張弛咧……著啦，汝頭先問“菜瓜”是卜乜代？是毋腹肚咧枵，卜叫我摳菜瓜予汝止飢？

太白金星：
噢，免啊。我講話第一直屎桶的。

閒仙仙：
免客氣啦，我送汝一條”澎湖菜瓜” ，食一个粗飽，保證予汝食了，囉唆兼雜唸。

太白金星：
是講確實小可枵枵，日晝食無啥飽。

閒仙仙：
安呢真拄好。汝應該感謝我chiah著！

太白金星：
感謝汝 chia̍h 著。

閒仙仙：
食著？我食著啥？

太白金星：
毋知。

閒仙仙：
無汝講我食著？

閒仙仙：
“彩雲仙”毋敢來，攏是去予汝拍驚著。

太白金星：
我按怎拍驚著伊？

閒仙仙：
伊講汝定定講話共伊詼（khe），定定創治儂。有抑無，汝心內知知咧。

太白金星：
伊若一日無來，汝soah規日咧數念 bōe 煞，bōe食bōe睏咧。

閒仙仙：
無啦。汝毋好安呢講啦。無，小等咧，有儂會chhē汝輸贏！時到，免我出面，著有儂出來予汝好看。哈哈。著細膩哦。

閒仙仙：
我講安呢，汝聽有乎？哈哈

太白金星：
會kiau汝輸贏，毋是我，佮我無tī代。

彩雲仙：
恁是咧講啥啦？趁我無佇咧，佇我骹脊後講閒仔話？恁真好膽啊恁！！

閒仙仙：
“彩雲仙”來囉！緊閃……

太白金星：
予汝餳來的……

閒仙仙：
事主儂來囉，咱mài佫當儂的面，講東講西，烏白花，烏白講啊……

彩雲仙：
本然我是無想卜插喙，是有儂咧討皮癢，欠儂推……

閒仙仙：
哦？敢講汝一直咧邊仔聽？

彩雲仙：
恁講話毋好好講，是按怎卜牽拖對我遮來？

太白金星：
“有閒來坐”，汝著感謝我，予伊知影汝對伊hiah好。

閒仙仙：
安呢哦，費神啦。

彩雲仙：
儂我嘛是乖乖，也無得失著恁kong。

閒仙仙：
是啦，歹勢啦，ah我嘛無講汝有得失阮。

彩雲仙：
是按怎毋去講別儂，kan-kan-ná卜講我？我嘛咧衰，拄著恁……

閒仙仙：
歹勢啦。實在是汝的儂，安呢誠好禮，誠好儂緣，所以，阮chiah會講汝啦。歹勢啦……

太白金星：
是啊，就是無得失siâng，伊毋則對汝hiah好！

閒仙仙：
“太白金星”，攏是汝啦，汝佫講！

彩雲仙：
啊..好啊！恁攏共我tiām去！

閒仙仙：
“太白金星”，汝若佫無撙無節，小等咧，惹伊受氣，性地giâ起來，我是無法度kā汝鬥相共。時到，hông捻頭飼雞母，汝是毋通卜哭嘛無目屎……

彩雲仙：
Mài佫講我啊！我卜掠狂啊……

閒仙仙：
是！我保證惦惦。

太白金星：
毋是我啦，代誌攏嘛汝惹出來的，是汝咧起曲頭。

閒仙仙：
“彩雲仙”，汝頭拄仔雄雄sa 一支菜刀出來，予我想著一句台詞。

太白金星：
菜刀？”有閒來坐”，聽講煮食汝嘛是頭手的哩。

閒仙仙：
歹勢，阮攏bōe曉煮食。

太白金星：
“彩雲仙子”，底時汝若咧毋愛食，伊嘛通煮一碗汝第一合的，予汝食……

閒仙仙：
汝佫講！汝敢毋驚菜刀？若毋驚，無換我送一支飛刀……

太白金星：
飛刀哦？飛刀汝通用來削果子予伊食。哈哈

閒仙仙：
牙真長！汝真正牙科的、內行的。

閒仙仙：
連飛刀汝也無驚，安呢好，sòa落來，我決定卜送汝一句台詞，相信汝應該捌聽過，汝聽好勢囉：”汝若惹我受氣，我就會bōe爽… 恁爸若bōe爽，就想卜報仇…恁爸若想卜報仇… 就會送汝一桶汽油佮一枝番仔火… 明年汝若做忌…佫送汝一粒雞卵糕”。

閒仙仙：
按怎，”太白金星”，頂頭我講的hit段台詞，汝應該有聽過啦，乎？

彩雲仙：
雞卵糕有”一粒的”？

閒仙仙：
有規模的啦，嘛有做一粒一粒的。

太白金星：
毋捌聽著。是汝搬戲咧念的臺詞毋？

閒仙仙：
啥物咧我搬的！這是台劇《霹靂火》的台詞啦。是劉文聰定定咧講的。無恁是毋捌看過《霹靂火》是毋？

太白金星：
毋捌。

閒仙仙：
安呢好。著是因為汝毋捌，所以，送汝一桶汽油佮一支番仔火，汝應該歹勢推辭（the-sî）啦，乎？

太白金星：
汽油入咧我汽車油箱的，拄拄好。我駛車，汽油拄好定定咧無啥夠用。Ah若是別項啥物齣頭，he我著無愛。

閒仙仙：
無啦，汽油汝kâng收去，ah番仔火，汝嘛著做一下收！

閒仙仙：
“太白金星”，咱講正經的。汝昨昏有講著惠南話‘草雞仔’，意思是”拍拳賣糊藥的儂”……

太白金星：
是，是”拍拳賣膏藥的”。

閒仙仙：
事實這是”走街仔” 。

太白金星：
哦，有理。

閒仙仙：
閩南各縣市攏講做”走街仔”、”走街仔仙”、”走街仔訣”。惠南，小可走音走音，變做”chháu-koe-á”。

太白金星：
是。

閒仙仙：
我卜來上班啊，阮頭家佫咧辦公廳等我。無閒陪恁練仙，我先來走。

閒仙仙：
若無緊來去報到，我頭路無去……各位 莎喲哪啦，bye-bye。

Tagged: 學母語, 觸喙股