車頂的痟豬羔

車頂的痟豬羔

拄仔有去坐巴士，車頂有看著一个生做真欠推、真欠蹔（chàm）的毋成諸夫，假鬼假怪、tìⁿ痟六癲，假咧thit-thô微信，其實雙目直直盯咧對面一个諸姥的胸坎遐。彼个諸姥嘛共款咧sńg手機，全全毋知影有儂咧共伊偷看。我看了真鑿目（chha̍k-ba̍k），決定卜共彼个術仔囝創治一下，著趕緊上網去登記一个假名，了後揤『search附近的儂』揣著即箍術仔。佫來，我著共伊send一條短消息過去『我著是坐佇汝對面，穿白衫的mm。汝按呢直直共我看，是毋感覺我真嫷？哈哈，若有才調，汝過來共我摸，我隨佮汝落車……』了後，我看彼个術仔囝小可頓蹬（tùn-tiⁿ）頓蹬，總是，真緊著起身，伸手對著彼个諸姥囡仔的骹骨摸落去囉。彼个諸姥衰一聲，順紲手攑懸，猛猛（mé-mé）按彼箍術仔囝的鬢邊揌（sai）落去。