有一對翁仔姥，倩一个諸姥kán咧鬥摒厝內。即个諸姥kán體格誠讚、鼻目喙嘛生做誠嫷，一phō頭毛佫染到金爍爍（sih），勿會輸舞台頂彼个Models，諸姥厝主對伊是呵咾kah，嘛欣羨kah。有一擺，咧洗塗骹，諸姥kán頭毛soah落落來。諸姥厝主則知講，底時仔即个諸姥kán是戴假頭毛。諸姥kán歹勢，家己講自細漢著無發頭毛，佫講毋但（nā）頭毛爾，事實伊全身攏嘛無生毛。過身，諸姥厝主共即層代誌講予亻因翁聽。亻因翁感覺誠好玄，kô講卜看諸姥kán無生毛到底是啥物款，叫亻因姥無論如何愛設法叫諸姥kán褪衫予伊看。明的看是穩無彼號代誌，暗靜偷看敢（káⁿ）較快（kōe）。就按呢，暗時，諸姥厝主共諸姥kán叫來講話，怙情（ko͘-chiâⁿ）伊褪衫。諸姥kán予伊直直講，歹勢推辭（the-sî），著真正褪衫。伊毋知影即个時陣，諸夫厝主當（tng）覕咧衫仔櫥內底按門縫偷看。毋過，諸姥kán嘛有提一个條件，伊叫諸姥厝主嘛愛褪，講按呢較公平。諸姥厝主無伊法，想講橫直也無別儂佇咧，著相合褪。
過後，諸姥厝主問亻因翁，感覺按怎，亻因翁氣暢忍（khì-thiòng-lún），反轉罵亻因姥三八，怪伊無應該褪。亻因姥問伊按怎，也無別儂看著，是咧驚啥。無疑，亻因翁soah講，“哭枵！汝敢知影，彼衫仔櫥內底覕啥物儂？”亻因姥應講“毋是汝無是啥儂？！”……亻因翁著講啊，“哭枵！我想講即號代誌遮心適，當然嘛愛招幾个換貼的做伙來看！啥儂知影汝…汝…唉啊！當（taⁿ）真正去(khì)講khù啊啦”

Tagged: 笑古, 講笑詼