二十諸夫斯文狗，看著súi妹喙涎流； 三十諸夫ná痟狗，四界風騷phā-phā走； 四十諸夫像野狗，床尾舞煞換床頭； 五十諸夫破病狗，「偉哥」揹咧骹脊後； 六十諸夫瘸骹狗，心憖可惜無力草； 七十諸夫無命狗，sian變 變無啥出頭。

Jī-cha̍p cha-po· su-bûn káu, khoàⁿ tio̍h súi-me̋① chhùi-nōa lâu; Saⁿ-cha̍p cha-po· ná siáu-káu, sì-kè hong-so phā-phā-cháu; Sì-cha̍p cha-po· chhiūⁿ iá-káu, chhn̂g-bóe bú soah oāⁿ chhn̂g-thâu; Gō·-cha̍p cha-po· phòa-pēⁿ káu, “we̋i go” phāiⁿ leh kha-chiah-āu; La̍k-cha̍p cha-po· khôe-kha káu, sim giàn khó-sioh bô la̍t-chháu; Chhit-cha̍p cha-po· bô-miā káu, sian② pìⁿ pìⁿ-bô siáⁿ chhut-thâu.

【添注】

①「súi妹」（súi me̋ ）：súi cha-bó·。「妹」是特殊變調，著愛唸第九聲（高升調）。
②”sian”，有時嘛講做“任”，比論講：
(a). 即个囡仔真孽，Sian 教也教bōe乖。
(b). 即个囡仔真孽，任 教也教bōe乖。