即擺泉州儂敢會當自我解救，世間儂攏咧看。
泉州儂到底是蟲抑是儂，全看即擺。
列位觀眾好朋友，敬請無限時收看泉州大視界——泉州儂是蟲抑是儂。

即擺，泉詶儂無變步囉，敢會當自我解救，毋是看天，毋是看別儂，全全看亻因家己卜按怎做。
考驗泉州儂的膽量佮智慧的時陣到囉。
泉州敢會當佇即个時陣，出英雄，全看即擺。
全福建、全中國、全世界攏咧看。
即擺若有儂徛出來，伊著是英雄。
若無儂徛出來，泉州儂著攏全是蟲，予儂看衰潲的蟲。
毋驚刣頭的則是正港的英雄。
英雄佮蟲仔，上無共款的所在，著是英雄總是會跳出來。
蟲仔，定定想卜跳，不而過，終歸尾毋敢跳，嘛跳無路。
蟲仔，kan-ta會當蟯蟯（ngia̍uh）動爾。
英雄，起先猶未成做英雄的時，嘛是像蟲仔按呢蟯蟯動。
不而過，伊最後跳出來，成做英雄。

世人攏咧等卜看泉州，泉州敢會當出英雄？
若有儂跳出來chhōa頭。伊著是真正的英雄。
蟲仔，上加是蟯蟯動會爾（niā/niâ），無啥潲路用；
英雄則是真正毋驚死，真正無惜性命的儂。
泉州的輸贏，毋是保名保姓；毋是喝了偌大聲。
有儂跳出來做英雄，泉州，準做輸，嘛是贏。