【接頂篇：嘭嘭嘭（1）】

『喨喨喨……』
『喂~汝好。卜揣啥儂？』
『喂，喂，喂……』
『喂！卜揣啥儂啦？哪會攏無聲？喂！』
『哭枵！即暫（chām）是咧犯著鬼，攏全一寡無聲的電話……』
……
『大柱的啊，頭拄仔啥儂的電話啦？』
『Ā會知？！Ah都無聲……幹！全咧創治儂的！』
『來啦，我看māi咧啦……』
『哎喲！夭壽！Ah即个號碼哪會佮頂擺的siâng！Ah都明明所的敲來的！』
『啊！所的？！』
『所的啦！汝家己看，這號碼……』
『當（taⁿ）死ah！敢會卜佫來吵潲？』
『Ah頂擺毋是放刁講三日後，卜佫來？』
『講是有講啦，ah毋過，過卜規禮拜ah，都無影來。』
『Ah汝是愛伊來毋？天tho̍h！有影……』
『無啦，啥物咧愛伊來，毋知咧講啥……』
『Ah好啊啦！物件款款咧，通來走啦……』
『走？卜去佗？』
「走路啦！孝呆！」
……
『行啦，款物件啦，ah佫釘佇遮卜創啥貨？Kán-ná柴頭尪仔咧！』
……
……
『喂，汝好。請借問，陳添財有佇咧無？』
『汝tī儂？揣頭家乜代誌？』
『喔，我恁頭家亻因孫仔啦，ah伊有佇咧無？』
『喔！有啦，汝聽候（thèng-hāu）一下乎……』
……
『喂！』
『叔仔！我大柱的啦。』
『大柱的喔！ah汝哪會敲電話來？』
『係（hēⁿ）啦，叔仔，有一層代誌卜敿汝參詳一下啦……』
『啥物代誌？』
『是按呢啦，阮某當（taⁿ）有身，大身大命，佫較無一月日著卜抾ah……毋知影汝遐有方便無，想講卜來去汝遐蹛幾日仔。』
『Ah是按怎咧？』
『哎啊，講起來天烏一爿，ah都…頂頭的，一日到暗來咧吵潲，蜈蜞咬蛤，放刁而gō· tńg，即聲，無閃真正勿會使得……』
『好啊好啊，先來則佫講，先來則佫講……』
……
『按怎？叔仔彼爿按怎講？』
『卜講啥？先去則佫講啦！』
……
『我通來去吩咐春桃仔共我交定（ka-tiāⁿ）兩張仔票。』
『慢且是。汝叫伊拆暗逝（chōa）的車班，上好是暗頭仔，真張（chin-tiuⁿ）若無，看有八九點仔、成十點仔嘛好。』
……
……
（紲下篇「嘭嘭嘭（3）」）

Tagged: 講古