今仔日毋是卜來講古，是卜佮逐个來探討兩个「字」。即兩个字，普通時仔定定有咧講著。啥物字咧？無講汝毋知，講出來，汝著知。一字是「soan-siâu」的「soan」，佫另外一字是「偷soan出去」的「soan」。在佇閩南語來講，即兩字唸共音，平平攏chiâu唸上平（chiūⁿ-piâⁿ）。進前，捌聽著有儂咧問即兩字（漢字）卜按怎寫。我想講，無咱即陣著來共開破看māi。
一、代先，咱來講「偷soan出去」的「soan」。若照hit號較倚意（oá-ì）的字來講，會當先候選即三个字：「赸」、「跚」、「辿」。了後，來比看佗一字上kài有合(ha̍h)。
1、赸：所晏切。離去/走開[go away;leave] 。赸撒(退走;退散)。「你也～，我也～，請先生休訕。」
2、跚：【廣韻】蘇幹切，【集韻】【韻會】相干切，音珊。蹣跚，跛行貌。【類篇】行不進。又與散通。【史記·平原君傳】有躄者槃散行汲。【註】散亦作跚。蹣跚,也作“盤跚”。跛行;行不進貌 [walk haltingly]。如:跚跚(行步緩慢從容的樣子=行路沓沓仔序/寬寬仔序的體)
3、辿：【篇海】醜延切，音脠。緩步囉。徐緩（步伐）：「那師父手軟勒不住，盡他劣性，奔上山崖，才大達～步走。」
從中，通知影講「赸」字上倚意，ah「跚」字第一倚音，「辿」字一丈差九尺。若卜做正字的規范，我建議來揀「赸」字。
二、佫來，換講「soan-siâu」的「soan」。即个「soan」，事實學界早早著有儂主張講是「訕」。「訕」字，有【廣韻】所姦切、【正韻】師姦切，音刪。又【集韻】師閒切，音山，義同。普通話有「訕笑」（譏刺,挖苦 [mock;diride;ridicule]），閩南話正正著是「soan-siâu、摳削、摳洗」的意思。古早的記載也有通稽考：
見朝廷有所任使,非其資序,則相議而訕之。——王安石《上仁宗皇帝言事書》
偏加些惡謔毒訕。——清· 孔尚任《桃花扇》
所以，某儂我主張「soan-siâu」的「soan」寫做「訕」；「偷soan出去」的「soan」寫做「赸」。
：歡迎加入《有緣來做夥》QQ陣（陣號：81229762）
訕字肯定是沒有問題的。“赸”字感覺并不是那么可靠。
我認為suan1 的意思是含有滾動、旋轉、纏繞的意思，赸這個字在《康熙字典》里的解釋是：【篇韻】音訕，跳躍也。似乎意思相差很多。陳正統認為是“旋”，意思對，可惜是邪母，讀陽平。
嗯。是講，汝毋知有誤會無？我頂頭講「偷soan出去」，普通話意思是「溜之大吉」。汝講著hit-ê帶有「滾動、旋轉、纏繞」意思的「soan」（比如「花soan出牆」、「藤soan樹枝」），我感覺這khiám-chhái又佫是另外一字。
呵，我沒有誤會，你認為是兩個字，我覺得是同一個字。
我認為你舉的的例句“偷suan1出去”意思，用普通話來翻譯就是“偷溜出去”，但是它的本義是“滾動”的意思，我也不知怎么用恰當的話來說清楚，大概我想表達就是“偷偷象滾動一般溜出去”，這種運動方式和植物纏繞方式差不多。
你好 支持妳啊
Albert：多謝。
明筠：嗯，我瞭解汝的意思矣！我是看「赸」字，有辭典釋義寫講「離去/走開[go away;leave] ……赸撒(退走;退散)」，雖然音韻對bē啥會和，總是，若卜摕來做正字（非本字），嘛是會使考慮。
“谁”在白水读作什么？tsi21 tsua12 还是 tsi21 tsuah5 ? 其它地方相近的说法是什么？
嗯，「誰」白水唸chī-chôa（tsi21 tsua12），規个龍海我聽著的攏是安呢。