中国頭擺超過美国成做日本上大的贸易共伴

東方早報4月26號報導,日本財務省發表的2006年度貿易統計速報(海關統計)顯示講,自二戰了後,中國頭一擺超過美國,成做日本第一大貿易共伴。

中國社科院亞太研究所副所長王少普佇咧接受採訪的時陣表示講,翻頭看1972年迄陣,中日兩國的貿易額乾凋11億美元niā,ah想bōe到35年後的今仔日,中國貿易發展是chiah-ni̍h仔緊。

王少普伊講,中國超過美國,成做日本第一大貿易共伴,這說明三个問題:第一,中日兩國相依倚的程度佫較懸;第二,因為中國取消外資企業“超國民待遇”,為著繼續提懸對華投資貿易額,日本必然會提高對華投資的技術含量;第三,綴著兩國貿易額的增長,嘛暗示東亞區域的合作,尤其是中日兩國的貿易會向愈來愈好的方向發展。

這掠外,王少普佫表示講,溫家寶總理訪問日本了後,兩國為著卜佫較好來建立戰略予惠關係,穩當會進一步推捒經貿合作。佇即个基礎上,雙方已经確定佇戰略予惠框架內底採取各項有效措施,進一步完善經濟合作制度。佇這種條件之下,中日未來經濟發展的勢面定著是愈來愈好。

溫家寶訪問日本的中間,兩國簽署《聯合新聞公報》,按這通看出中日兩國攏願意來啟動經濟高層對話機制。中國國務院副總理曾培炎佮日本外相麻生太郎,攏總提名成做機制共同主席。雙方已經就今年內佇北京舉行頭一擺會議達成共識。

統計數字顯示講,到kah今年3月30號,中日兩國(除香港地區)貿易額是25.43萬億日元(換算人民幣約略1.66萬億箍),比舊年增加16.5%;日本佮美國的貿易額是25.16萬億日元,比舊年增加10.3%。2006年,中國(不包括香港數字)佮日本貿易額頭擺超過美國,中國頭一擺成做二戰後日本第一大貿易共伴。

日本財政部官員表示講“chiah-ê數字通看出日本企業對中國出口有逐步的轉變,iah即款趨勢會繼續落去”。

日本專修大學經濟學教授大喬英郎,伊講:“對日本來講,即陣一个真正大的市場當出現佇目睭前。”伊佫講,佇物流直直衝懸的同時,通過直接投資,中日兩國實際已經是關係真正搭密的經濟體。

日本財務省發表的報告嘛顯示,2006年度日本對外貿易順差比頂一年增長16.4%,來到著9.054萬億日元,這是自2004年了後,佫一擺實現增長。

這掠外,統計數字嘛表明,2006年度日本對外出口額是77.4609萬億日元,同比增長13.4%;進口額是68.4069萬億日元,同比增長13.0%。進出口攏總創造歷史上懸的記錄。

按地區來看,日本對中國進出口攏創造歷史新紀錄。雖然日本即mái對華貿易逆差猶佫有2.7986萬億日元,不而過因為半導體、電子零部件chiah-ê行業出口狀況bōe歹,三年來嘛頭擺減少逆差。日本對美國的貿易順差嘛創造歷史第二懸,來到著9.096萬億日元。

Tagged:

發表迴響

你的電子郵件位址並不會被公開。 必要欄位標記為 *

*