東豬傳記

漳州東山一隻豬,
性情溫和儂古意。
往時有蹛石獅市,
飼大隨父轉鄉里。
有去安溪內山邊,
假空買茶歹主意。
交著諸姥名秀枝,
私結連理生後生。
彼个丈儂頭歹剃,
開喙卜挃五萬二。
東豬著驚走去覕,
轉到東山的鄉里。
開店賣茶真利市,
又佫娶姥又佫生。
當今三十的歲子,
厝內錢銀滿滿是。
東山糧站出告示,
講卜用儂招無滇。
就叫東豬去面試,
搖頭拌耳雙手比。
哈風講空兼哺舌,
盤古喋到西遊記。
考官聽到卜睏去,
凊彩虎膦著準伊。
當今糧站咧賣米,
月月通趁三千四。

Tagged: ,

發表迴響

你的電子郵件位址並不會被公開。 必要欄位標記為 *

*