讀小學的阿明放暇轉去厝裏。亻因老父想卜考看後生冊讀好抑毋好，毋拘，一時想無著摕啥問題來考伊，雄雄看著電視咧搬「動物世界」，老父一時有主意，著順喙問講「牛舌較大抑是馬舌較大？」亻因後生想目nih久，應講：牛舌大。老父問啥原因，囝應講：因為學堂先生有教講「大智若愚(大舌若牛)」。老父聽了隨暈倒，無偌久醒過來，想著拄則囝所講的，知影是囝較愚戇，著共伊解說講：智是智慧、智識，毋是舌。囝聽了覘頭表示曉悟。老父歡喜，就拍算佫考亻因囝第二个問題。老父講：汝即滿kah知影「智」的含義啊，按呢我問汝，豬較巧，抑是牛較巧？囝想想咧，應講是牛較巧。老父問啥理由，囝應講「大智若牛」。老父聽了佫再暈去，自按呢無佫精神。

Tagged: 笑古, 講笑詼