三个旅行者

@邱智偉(台北)

有三个旅行家做陣去thit-thô,三个儂名號做冬瓜、阿狗佮屎桶,亻因來到一个海嶼,去予食儂族看著,共亻因三个掠去見長老。長老講:算恁好狗命,今仔恁父做生日,無想卜食儂,不而過,我有任務卜交予恁三个去做,恁共我聽予好,恁三个攏總去樹林仔內,一儂共我挽10粒果子倒來予我食,一儂挽一種,若無卜予恁好看,緊去!

三个儂著趕緊去揣去挽囉。無偌久,冬瓜的著紥10粒檨仔轉來。長老著講啊:汝共即10个檨仔siap入去汝的雨傘襇內面,若哀出聲,我著予汝死。
冬瓜的應講:雨傘襇是啥貨?
長老講:幹!汝真正毋捌字!著是汝的糞口啦。
冬瓜:啊?哪會按呢啦……啊汝毋是叫阮挽來予汝食?
長老:無汝的代誌啦!趕緊siap!
冬瓜:這…這我哪會堪咧啦,我父啊……
長老:勿愛囉唆啦!佫應喙應舌,現煞予汝死,較緊咧!

冬瓜的照做,毋過,頭一个檨仔拄siap入去了,著現soah哀出來。了後,長老著真正叫儂共冬瓜的chang去出草囉。

即个時陣,屎桶的嘛倒轉來囉,伊挽10粒葡萄轉來。長老嘛叫伊共即10粒葡萄soeh入去伊的糞口內。屎桶的照做,毋敢反抗,soeh到第9粒的時陣,現現都卜過面囉,無疑soah笑出聲。長老著叫儂共伊拖去飼鱷魚囉。

冬瓜佮屎桶即兩个往生者,佇枉死城相拄。冬瓜著問講:龜怪,屎桶的汝是按怎卜笑出聲,現現都第九粒囉,猶賰一粒爾汝咧……唉……屎桶的著講啊:因為我看著阿狗的紥10粒榴槤轉來,哈哈,毋則笑出來,哭枵。

Tagged: ,

發表迴響

你的電子郵件位址並不會被公開。 必要欄位標記為 *

*