新交規

2013年1月2号,也着是番仔正隔转日。有一个諸夫儂規暝無倒轉去厝裡,到kah第二日透早則急刜刜(phut)拚倒去。亻因姥叫問伊按怎無倒來,敢(káⁿ)是走去佗落風騷虛華(hong-so hi-hoa)。諸夫儂著講啊:昨暝車來到十字路口青紅燈骹,好死毋死,去拄著爍黄燈,佫按呢直直爍,爍勿會離,一直透爍到透早六點捅則恢復(khoe-ho̍k)正常。亻因姥無啥卜信,問伊是按怎毋敲電話問幺幺零(io-io-lêng)問清楚。
諸夫儂著講啊,勿會使得啦!駛車敲電話扣3分啊!衝黃燈扣6分!倒車(táu-chhia)行倒轉,危險!嘛會扣分!佫愛罰鐳!姑不而將死等硬等……諸夫儂寒到瑟瑟顫(sih-sih-chùn),亻因姥著佫問啊,佇車內哪會寒到按呢?諸夫儂著講啊,雪落透暝,我驚車牌去閘著掩(ng)著,愛扣12分,吊駕照,毋則規暝佇外口直直拭直直鑢(lù)!

Tagged: ,

發表迴響

你的電子郵件位址並不會被公開。 必要欄位標記為 *

*