尼泊爾農民予毒蛇咬了後反轉咬死蛇

尼泊爾有一个作穡儂Mohamed Salmo Miya（米仔），伊佇畻園咧種作的時陣，無張持去予一尾飯匙銃囓（giat）著。米仔伊真正受氣，開步緝著即尾蛇了後，反轉共蛇掠起來咬，活活咬死。

米仔雖然有著傷，總是，去醫館醫治了後嘛無啥要緊。米仔講，當當時（tng-tang-sî）伊褻體(siat-thái)受氣，一心想卜報復。伊講「我本底會使用柴槌仔共伊摃死，毋過，彼陣真正有夠受氣，一心想卜報復倒轉來，毋則會共掠來咬。」即尾狼狽的飯匙銃，注伊咧衰，當場予米仔活活咬死，通講是三好加一好——四好（死好）！