閩南喝拳[hoah-kûn]

佇網頂chhiau著一寡有滋養的,hiù出來予咱逐个罔鼻芳。

儂講「君子無贏頭拳」,闽南拳,講究「拳不離母」(出拳一定愛出「大頭拇」),有的所在無喝「五」。閩南在地儂喝拳攏全閩南拳,佇chia汝nā卜佮儂“哥倆好”(ko-liâ-hâu),he是無儂卜佮汝“好”(hâu)。外江儂喝拳駛普通(普通話),講hit號:一点点、俩相好、三星照、四季财、五魁首、六六顺、七个巧、八匹马、酒(九)你喝、 全福寿。

廈門儂實在有影真古錐,喝拳嘛攏全齣頭了了。斟酌看māi,汝著知——

「廈門路名拳」:一條龍、二舍廟、三條巷、四仙街、梧(佮「五」同音)桐埕、六仙公、七市場、八卦埕、九竹巷、十字路、不見天(對手拳)。

「三國拳」:單刀赴會、二嫂過 溪、三戰呂佈、四門總開、五關斬將、六出祁山、七擒孟獲、八卦陣圖、九進中原、舌(十)戰群儒 (「舌:sia̍t」佮「十:si̍p」照講是無共音)

「中草藥拳」:一見喜、兩面針、三君子、四物湯、 五加皮、六神丸、七星散、八卦丹、九宮散、十全大補

Tagged:

發表迴響

你的電子郵件位址並不會被公開。 必要欄位標記為 *

*