真濟中國儂想攏無——新加坡哪會對中國chiah殘?

(翻譯/Limkianhui)

當今國際關系的基本道理,會使講是純粹的利益交關,無永遠的朋友,嘛無永遠的敵人,只有永遠的利益。雖然真濟中國儂透底了解即个基本道理,不而過有時仔總 是會受著感情因素的纏絆,可比講,對待新加坡,真濟中國儂往往因為感情方面放bōe離,soah將in 當做是遠親來咧看待。中國儂定定有即款想法,認為講既然全世界的猶太儂攏為猶太儂,安呢,全世界的華人嘛應該為華人chiah-tio̍h。新加坡是一个 華人佔多數的國家,國土摻中國也無交插(kau- chhap),應該無啥物利益的沖突。過去,因為中國鬧“極左”、鬧“輸出革命”,確實捌因為安呢來影響著兩國的關系。不而過,遐攏古早時代的代誌嘍。 “階級鬥爭為綱”早著已經過去,現此時,中國是全力來咧拼經濟,改革開放,歡迎外資。亦新加坡佮中國共文共種,佫平平用簡體字,in 不但是有了解西方,而且又佫熟似中國,定著會成做”中国改革开放、经济发展的受益者”。所以,中國儂一貫真自然著共新加坡當做是朋友,對in 一再吞忍,一再優惠。中新建交以來,兩國貿易額、投资额大幅度增長,亦中國甚至猶佫聘请新加坡一寡仔有頭有面的儂來做國策顧問;將海峽兩岸的“汪──辜会 谈”安排佇新加坡來舉行…應該講,中國已經真顧新加坡面子嘍。毋若安呢爾,佇東南亞金融危機的時,中國無顧家己咧食虧,堅持人民幣毋貶值,佇關鍵的時陣, 替東南亞各國穩定貨幣行情,實際是直接來咧幫助新加坡。逐个攏知影,金融業是新加坡的支柱產業之一。中國犧牲自已,穩定金融,即中間新加坡得著的利益上 kài 濟。中國為新加坡所做的,實際上已經超越國際關系的基本原則,一再為伊犧牲家己的利益。中國是真真正正將新加坡當作是朋友佇咧看待。不而過,新加坡又佫是 安怎來咧對待中國咧? >新加坡早著聲明,佇東南亞,一定beh等到最後一个chiah摻中國建交,亦建交了後照原beh維持hām臺灣的軍事合作關系。對對,伊有影講會到,做會到。

> 李光耀、吳作棟一再講起:中國的成長是世界上大的挑戰,將來亞洲會穩定bōe穩定,愛看咱安怎對待中國的崛起。李光耀甚至佫講,作為中國儂的後代,伊知影 中國儂真敖吞忍,嘛知影中國儂爆發力真強,真敖抾恨…東亞、東南亞的國家較早攏捌得失著中國,一旦中國沖起來,遮个國家必然會受著中國強烈的報復…所以愛 永遠予中國做二流國家。

>新加坡一再鼓吹美國是東南亞重要的平衡力…美軍退出菲律賓基地了後,新加坡趕緊表示講伊願意補即个空缺(khang-khiah),現此時,新加坡已經成做美軍佇東南亞唯一的據點。

> 中國代先表示beh摻東盟(東協)合作。不而過新加坡為著beh平衡中國的力量,下命主張東盟佮印度的合作。原底,印度佇東南亞根本無法度插骹,攏是新加 坡硬共拖入來的。新加坡是東南亞頭一个佮印度實行聯合軍事演習的國家。西元2000年的時,印度因為堅持beh核試驗,本然猶佫暫時予儂孤立。東盟對印度 的核試驗不但無譴責,顛倒soah表示允准佮支持。即中間,新加坡的出bōe少力。核試驗了後,印度外長上代先去的東盟國家著是新加坡。

>中國佮東盟建立自由貿易聯盟的時陣,新加坡定定三不五時著警告東盟國家愛團結,愛注意中國是競爭的對手。

> 中國儂佇新加坡受著無公平的對待,會使講毋是啥物新奇的代誌嘍。中國女運動員佇新加坡旅游的時,無代無誌,集體受著店頭家的摳洗佮詈罵。新加坡的輿論界一 時soah bōe記得“儂客是上帝”、“儂客永遠是tio̍h的”的生理經,顛倒是趁機會放肆來咧經體(keng-thé)佮摳洗中國儂,替hit个鱸鰻店頭家辯 护。
……
經歷過hit擺的“SARS”災祸了後,中國實在是愛感謝新加坡chiah tio̍h。第一,即層災難,予濟濟中國儂看分明安呢的一个基本問題:啥儂是中國的敵人,啥儂是中國的朋友;亦第二,等於是咧共中國儂補課,提醒中國儂毋 通bōe記一寡國際關系的基本常識,知影講beh摻儂交陪,一定愛細膩、愛張弛,毋免啥物代誌攏看hiah重,有的代誌一定愛嚉反面看倒來chiah bōe食虧;第三,這嘛幫助中國放心矴掉(tàn-tiāu)一擔重擔,此去會當規心滿腹來思量本國家己的利益,毋免佫咧“家己睏桌骹,煩惱別儂厝漏”、 煩惱這,煩惱he,煩惱十三代囝孫無米通食。會使講,通过“SARS”災禍,中國儂對新加坡身上上少會當得著三條的結論:一是毋成囝,二是毋是朋友,三是 毋免共伊客氣。

所有遮个代誌攏是發生佇“SARS”爆發進前的代誌,真濟中國儂往往共新加坡儂當作朋友弟兄,佇關鍵的時陣出面共in 鬥相幐(thīn),助in 渡過難關。不而過,當當(tng-tong)中國遭受著“SARS”災難的時,新加坡又佫是咧做啥咧?

──4月6日(2003年),新加坡总理吴作栋响应美国华盛顿邮报“封杀中国”的号召,竟然公開表示拒絕訪問中國。《联合早报》論壇寫講“吴作栋的作為得著东南亚国家的訶咾kah欢迎”。

──5月2日(2003年),吴作栋接受媒体采访的时,公开對中国治理SARS的能力表示懷疑,放風講中国會用兩、三年的時間來治理SARS,鼓吹外资愛趕緊退離中國,講毋通“將所有的鸡卵攏下(hē)佇共一奇(kha)篮仔內”。

──東盟防SARS峰會本然有考慮中國的,是新加坡堅持講he是東盟家己的家內事,沒必要請別儂來插一骹。會後吳作棟風龜講其他東盟國家的頭儂攏愛看伊的態度,是伊chhōa頭拒絕中國,講kah無輸伊著是東南亞國家的英雄。

新 加坡今仔日會做出即款的代誌,絕對毋是單純“看汝bōe爽”遐簡單,也嘛是凊采講講無准算。會使講he是真正狼毒的傷害,是怨汝bōe緊死,趁汝落難 beh做一困予汝無命的敵對行動。in 計劃的目標:第一,佇全球制造一場新的反華風波,重新封鎖中國,徹底變歹(pìⁿ-pháiⁿ)中國改革開放、發展經濟的環境;第二,鼓吹外資離開中國, 造成中國經濟的大災難,予伊崩盤;第三,減少中國百姓對政府抗災治國的信心,使蛇弄鼠,予中國政府指揮失靈,引起社會動亂,最後亡國。

現 此時,中國社會算講穩定,犯勢有儂會認為講頂面所講的“傷譀”、是“無話咧講栲栳”。亦毋佫,毋通bōe記咧,正正因為新加坡是華人佔多數的國家,嘛正正 因為中國一貫共伊當做朋友,濟濟儂想講新加坡對中國的情形上了解、上實在、上無偏見、嘛上kài 權威。所以,新加坡對華的態度如何,對其他國家影響真大。拄著災難的時,四界攏誠青狂、誠恐慌,一句無影無跡的無影話仔,有時聽好(thèng-hó)予 儂性命無去, he著若像股市當咧危機的時,小可仔風聲著有可能崩盤,引起股民跳樓、自殺。共款的道理,hit陣仔SARS危機,全世界偌濟國家猶咧目睭金金、捎無頭縂 (thâu-cháng),亦新加坡串串(chhòan-chhòan)著是佇hit時代先跳出來“軍”中國一棋,chhōa頭起來反中國,所造成的負面 影響實在比平常時加大成千倍,好話一萬句不抵歹話講一句。佳哉中國政府及時穩定局勢,佳哉中國儂會共心消滅災禍;佫佳哉國際社會毋相信中國會亂,若 無,外口hit寡仔佮中國有怨仇的儂定著會順應新加坡的號召,燃(hiâⁿ)柴添火著(to̍h)。安呢,伊新加坡想beh利用SARS危機來舞亂中國的 臭心著有可能會實現。新加坡佇關鍵的時陣、關鍵的所在,共中國揬(tu̍h)即刀,這千真萬確,永遠拭bōe去。即擺中國無倒落去,he毋是新加坡手下留 情,嘛毋是in 功夫學無倒,he串串是因為中國儂靠家己的實力,靠儼硬的個性,佮團結的意志拍敗災難,予新加坡的臭心毒行(chhàu-sim to̍k-hēng)破產去。

路尾,新加坡發現勢面毋著,趕緊千方百計beh共放出來的食食倒轉去。in 動用各項輿論工具,硬拗硬拗,硬beh共關鍵時陣hit款“惡面腔”解說(kái -soeh)講是“滿面的溫純”。就安呢,一時仔,咧替伊掩勘、替伊辯解的文章、評論滿天颺颺飛。啥物“新加坡是独立的主权国家,没有必要考虑中国的利 益”啦,“無歹意”啦,“國家細,孤不將”啦,“法制国家,令出必行”啦,“一貫對中國友好”啦, “平平華人國家,計較無事使”啦(taⁿ嘛好啊,當初時汝新加坡攑刀仔共中國揬落的時,汝有nih目無?即陣chiah想著講“平平是華人”?!)。亦嘛 有儂想beh趁即个時陣倒咬一喙,拍儂喝救儂,佫再搬出“民主自由”即款漚古調來譴責中國,比論有《我為新加坡辯》、《為啥物beh惩罚新加坡》、《中國 愛家己來反醒》等等。(賊較惡儂,真正是“面皮較厚屎礐梆”!)當然,in 又佫變弄一寡小步數,想講beh來糊涂焦點,可比講,共一條報道“吳作棟佇東盟防 SARS峰會上會見中國總理溫家寶”的消息,中文報紙報道講,吳作棟為伊進前取消訪問中國解釋並道歉;不而過英文報紙卻是連講也無講“道歉”的代誌。表面 來講,是beh予汝中國儂較爽淡薄,亦實際根本無任何意義,因為英文chiah是新加坡真真正正的官方語言。

新加坡即款水氣的搬弄,實在 予中國儂看kah會飽,對頭到尾,一出國際關系的文明戲,按拄頭仔的“雄介介、惡劇劇(ok-khia̍t- khia̍t)”,到路尾,變kah若 “挹尾狗仔”;按“忘恩背義”到kah“bōe見bōe笑”;按“hiau-pai鬖鬚”到kah“假仙假觸(tak)”…bōe輸hit號戲臺頂咧搬大 戲,各種骹數(kha-siàu)攏齊備、無漏溝。即款教儂如何看儂辯儂的教材,實在有錢無tè買。干凋憑即點,中國儂著應該好好仔向新加坡學習、共儂說 多謝。

不而過,真濟中國猶原捎無:新加坡是安怎beh反華?中國到底是啥物時陣得失伊咧?(犯拄勢古早時陣蹛佇美洲的印地安儂也有共款疑 問:白儂為啥物beh刣in ,連投降了佫毋放in 煞?印地安儂到底是得失白儂啥貨??是講,也莫怪印地安儂有hit款的疑問,因為in 可能佫毋知影啥物號做 “刣儂放火”;毋捌聽過啥物是“豬刀”,啥物是“肉砧”。)這著是東方文明無法度理解西方文明的原因。汝毋通想講無得失儂、對儂好,安呢著會當天下太平, 現實的世界根本無咧信奉汝即套。

東南亞各國透底有久長的歷史、傳統佮文化,干凋新加坡無爾(niā)。新加坡原底著毋是一个國家,伊只是 馬來西亞的一部分,是因為馬來亞反對華人 chiah 共in 一骹踢出來的。雖然華人佔多數,毋佫認同中國傳統文化的華人一貫攏是社會第一下階層(kē-chân)的散赤儂,亦若hiah-ê“國家精英”,透底是接 受過英國、抑是講西方名校全套精心教育的“高等華人”。遮个“精英”,著是俗語講的“芎蕉儂”──黃皮白心,雖然in 生做是華人的范(pān),不而過心肝內上kài 看bōe 起中國文化佮中國儂,in 上敖的一步功夫,著是坫白儂的面頭前搖尾、扶LP;斡頭(oa̍t-thâu)佫來經體(keng-thé)、siak-sau華人同胞。(這摻中國國內 hit篷“XXXX精英”會使講是共父各母──共一个種族(chéng-cha̍uh)。)所以雖然是華人佔多數,毋佫主流文化卻是東西交插(kau- chhap),有影“貓peh樹——毋成猴”。亦hit-ê所在不但無資源,無歷史、無傳統,嘛無文化特色,真真正正是一个靠儂去造出來的雜種、怪胎。

講in 怪胎是怪胎,不而過儂in 攏嘛種(chéng)有著大英帝國的hit款“hiau-pai佮鬖鬚,三不五時著膨風(phòng-hong)講in 較早是大英帝國佇亞洲上大的軍事基地。Hit時,in 看著白儂bōe輸若看著in 祖公,驚kah毋敢講話攏毋敢大細聲;不而過in 對待亞洲各國的人民,又佫是hiah- nī大曳(tāi-ia̍t)。佇in 的心肝內,亞洲各國的人民攏是一寡“土公仔儂、倯儂、無路用儂”。不而過,花無百日紅,真緊大英帝國著來落衰,新加坡嘛無法度佫再“踏馬屎傍官氣”,孤不 而將,愛家己去討趁。中國的經濟猶未沖起來進前,新加坡拄著好狗運, “貓仔無在家,鳥鼠仔咧khiau骹”,in 的金融業、出口加工業、旅游業、航運業等等各行各業攏舞kah鏘鏘滾,一時予儂比喻做亞洲的一尾龍,日子嘛過 kah真四序、佫真chhiaⁿ-iāⁿ。不而過,自中國的經濟沖起去了後,新加坡hiah-ê“二步七仔”著變kah愈來愈無路幹。

東 南亞其它國家透底有家己的歷史、傳統佮資源優勢,in 佮中國的經濟有予補的關系,面對中國發展,in 除了看著挑戰以外,嘛會當看著真濟有利的機會。in beh 適應中國的發展,毋免傷努力(ló·-la̍t)。相比來講,新加坡著無即款的機會,in 有做會到的,中國早慢嘛會當,甚至做了佫比in 較讚。利用共文共種、中西通食的優勢,抾中國發展經濟的白肉油仔,對新加坡來講,本底應該是簡單kah親像桌頂拈柑,不而過,假使若beh安呢做,新加坡 定著愛先收煞“二總管” 的氣頭(khùi-thâu),公平來對待一貫予in 看無目地的中國儂。亦實際上,這對新加坡hiah-ê“國家精英”來講,較慘ti̍hin 的性命。李光耀的言論清楚表達出新加坡統治“精英”的心聲,he著是“一定愛永遠予中國做二流的國家”。只beh中國永遠做二流,安呢in 新加坡著是一流,永遠懸汝一級,永遠蹛汝的頭殼尾頂咧放屎放尿。莫怪東南亞有遐濟國家,串串只有新加坡規工咧哭父“中國威脅論”;也莫怪新加坡狂beh請 美國的海軍倒轉來駐點,牽豬哥仔 ——趁暢!(有影“一世婊,萬世婊”,“牛牽到北京嘛是牛”。)新加坡真清楚,只beh中美對抗,美國儂著肯出錢維護軍事基地。所以,透白講,新加坡毋是 咧驚汝中國亂,是咧驚汝中國毋亂!新加坡規工se̍h-se̍h唸,幫助中國佮厝邊頭尾結冤仇,予中國佮厝邊之間關系愈來愈緊張,in 唸咪招來美國軍艦,唸咪餳(siâⁿ)來印度兵仔,亦動著佫愛唱一葩仔“中國威脅論”,目的無非是為著beh提懸in 國內軍事基地的地位佮行情。

總 講一句,新加坡過去的繁榮是建立佇中國落後散赤、軟汫好偏(nńg-chiáⁿ hó-phiⁿ)的基礎上。因為中國崛起,形勢有所改變,阻礙著新加坡的利益,亦新加坡又佫無願意適應新的形勢,家己想beh好過,佫bōe別儂好額。所 以,新加坡chiah會千方百計beh來阻擋、破害、乾擾中國的發展。這著是新加坡為啥物beh用即款歹失德的步數對待中國的根本原因。這佮“是毋是華 人”無治代。無雄萬代窮!面對著新加坡的破害佮陷害,中國一定愛佇必要的時陣回敬對方,絕對毋通軟心,手頭佫較bōe當落軟。真簡單,因為安呢符合中國的 國家利益,免了偌濟工,beh chhōe理由嘛真簡單。中國代先愛看分明,新加坡對中國的傷害是透根透底的傷害,除非汝中國家己甘願beh看衰家己,甘願beh自動破產,若無,實在無 理由予新加坡坫hia咧好食睏。這毋是汝中國有得失伊無得失伊的問題,是儂伊根本著是beh食汝三注到(saⁿ-tù-kàu)。講較透白的,按算beh 欺負汝,毋免等汝得失伊。

逐个嘛愛清醒,對待新加坡的破害,中國實在是bōe當據在伊去。因為即款惡質的影響實在有夠厲害,臭柑過籠,過 kah規大片,變成“烏鴉鑿石螺”(眾矢之的),到尾仔,是非烏白分bōe清,白白布硬予儂染到烏,安呢著害a。新加坡不時著咧展講“其他東盟國家頭儂攏 愛新加坡對華的態度來確定in 的對華政策”。假使真正有影安呢,著聽好(thèng-hó)證明新加坡是東南亞反華勢力的根底,擲(tēⁿ)死一个新加坡,順紲佫兼鎮煞。亦若假使無影 安呢,he證明新加坡只不過是“蟑蜍展氣功——膨風”爾。對付即款行江湖的“老仔”(láu-á),一定愛徹底liah 破in 的假面腔,較免佫四界去共儂術。新加坡的騙術,上根本的一招,著是予儂認為講是中國家己將in 當朋友,亦in 反華可以毋免受處罰。伊拍汝十下,汝上無嘛愛還伊五下,若無,新加坡的無影話仔著會那來那濟儂相信,日後對中國的危害嘛會那來那大。即个世間,本成 (pún-chiâⁿ)著是賊較惡儂;飯照食、鷄照掠;汝愛伊死、伊愛汝無命。beh對付小人,其實嘛kài 簡單,因為小人透底博(poa̍h)軟無博硬。汝今仔日放過一个,伊眠仔再著會bok出一堆。拍死一个,教乖一陣。所以講對付小人一定愛用小人步,有仇報 仇,毋免驚伊無命,割頭割到斷。

用君子之道對付小人,現白講,正港目睭糊著蜊仔肉——青瞑。中國beh收拾新加坡其實kài 簡單,毋免動刀動銃(chhèng),嘛毋免起鑼動調。只beh中國儂日後mài佫將in 當朋友,公事公辦,安呢in 自然會真歹食睏。毋通想講這是簡單的一句話,過去中國著是因為安呢,毋知受過偌濟冤枉代,食過偌濟虧!毋免講傷遠啦,干凋進前亞洲金融危機,中國為beh 穩定亞洲金融,家己食虧無講,扎有著的,香港掠外,佫來著是新加坡。中國是驚講新加坡經濟若崩盤,會愈哭父“中國威脅論”。因為安呢,本然有寡仔對中國有 利的代誌,驚講對新加坡會造成阻礙,最後中國soah攏來放棄。可比講,泰國咧央(ang)中國合作修建克拉地峽運河,技术佮财政來講,這並無啥物難度, 亦一旦工程完成,日後著毋免定定倚靠馬六甲海峽。這對中國佮泰國的經濟來講,攏嘛有好無bái,不而過對新加坡的航運業來講是大大的不利。亦事實上,中國 正正著是顧慮著新加坡的利益soah一直無做最後的決定。佫比論講,有儂建議中國愛摻緬甸合作開發输油管道、陸路運輸,安呢一下來,著會當減少中國對東南 亞各國的依賴。亦毋佫中國最後嘛無安呢做,這嘛是帶念著hām新加坡的關系。

即擺,新加坡變面kán-ná狗,完全無共中國看在眼內。所 以,此去中國咧考慮chiah-ê經濟建設項目的時,嘛會使完全毋免插潲伊新加坡會安怎。安怎想,著安怎做,啥物儂也免佫來比手劃刀、比手弄蹄。這對中國 來講,可比“放牛擔”,絕對毋是歹代誌。佫來,若beh摻東南亞國家交關,中國聽好 (thèng-hó)直接chhōein 各國著好a,無需要通過 “東盟”。東盟實際只是新加坡弄嘉禮戲的戲臺,是助新加坡脹懸身價的戲臺,實在對中國佮其它國家無任何利益可言。此去中國聽好直接摻各國拍交關,共東盟 hiù蹛邊頭,拆新加坡的臺仔,予即箍術仔囝無機會通佫再“術”落去。中國安呢做,對任何儂攏bōe造成傷害,除了新加坡以外。這以外,假使中國完成克拉 地峡运河工程或者緬甸陆路运输工程,美国利用新加坡做基地來封鎖中國的可能性著會降下(kàng-kē)。安呢,准講新加坡有心beh做婊賣肉,犯勢著無 儂beh買。有tè賣是上好,不而過真正到kah hit个時陣,犯勢伊新加坡上kài 想beh對付的儂,已經毋是中國,顛倒是厝邊兜hiah-ê穆斯林國家。Hiah-ê厝邊兜一定bōe放新加坡煞尾,因為in oân仔有生目睭,in 攏毋是khám–ê。安呢,毋免中國動手,新加坡自然著會死kah真歹看。

正正因為新加坡是華人為主要的國家,又佫是反華的先鋒,所以中 國beh對付國際反華勢力,實際應該刣鷄教猴,先共新加坡捎(sa)起來刣,安呢較無副作用。新加坡定定想講伊較懸儂一級,磕bōe著,beh共比骹比 手,實際上,佇國際社會中間,肯對伊死忠、願意幐(thīn)伊到tè的儂實在真少,亦佫較無儂願意犧牲家己的利益來保全伊新加坡。所以,收拾新加坡不但 bōe加大“中國威脅論”的聲說(siaⁿ-seh),佫會當真好來教示hiah-ê專題靠反華食半暝仔飯的華人“精英”:毋通想講規工坫hia咧咒懺 (chiù-chhàm)中國有儂喝好,時到若真正著衰是無儂會插潲汝!中國安呢做,對家己有利,對其它國家嘛有利,只有對新加坡無利。新加坡毋是定定愛 講“新加坡是主權獨立的國家,bōe當為中國的利益犧牲新加坡的利益。”真好!中國嘛會使講 “中國是主權獨立的國家,無法度為著新加坡犧牲中國的利益”。Hiah-ê新加坡的“精英”,敢毋是上kài 看無起中國文化?安呢嘛好,即招號做,“以其人之道,還治其人之身”,福建話叫做“用伊的土,糊伊的牆”。中國只有安呢做,無其它的選擇!!!

1 comment

  1. 阿濤 2008-12-20 at 10:05:45 Reply

    汝講甲真好真讚.我嘛有聽儂咧講新加坡定定愛予咱中國歹譜.咱誠實唔通將in新加坡做朋友啦!

發表迴響

你的電子郵件位址並不會被公開。 必要欄位標記為 *

*