台聯主席參拜靖國神社

公元2005年4月4號的下晡時,台湾团结联盟(简称“台聯黨”)的党主席苏进强,chhōa一篷(phâng)儂,去东京参拜“靖国神社”,成做有史以來,頭一个参拜靖国神社的台湾政党頭儂。

下底是媒体报道“苏进强发表的言论”—— >>苏进强当场面对记者发表讲话,呼吁亚洲人民“将历史的恩怨佮仇恨放一邊,注心來追求未来的和平佮安全”。

>>苏进强讲,伊本儂是”徛在台湾儂佮台湾本土政党的立场,对着二战期间,去予日本军队招去前線战场,路尾失去性命,現此時又佫供奉伫靖国神社内底,量其约2万8000个台湾儂,佮遐个(hiah-ê)为国牺牲的日本儂表示敬意”。

>>伊(苏)表示,“全世界任何国家的人民拢会当自由來表达对遐个为国牺牲的军人、政府官员佮老百姓的尊敬,日本儂对靖国神社的看法该當得着尊重”。

>>讲到”以中国为主的亚洲国家反对日本首相小泉纯一郎参拜靖国神社”即層代誌,苏进强指出,”中国的观点無法度代表全世界人民的观点,嘛bē 當代表台湾的观点”。

>>伊(苏)讲,”中国是用仇恨的观点来咧看待靖国神社,伊個人佮台联党、以及多数的台湾儂拢無认同(中国)的看法”。

紲落來(Sòa–lo̍h-lâi),各界对苏进强言行的反应——

>>伫台北,台湾原住民立法委员高金素梅昨昏去台联总部,抗议苏进强参拜靖国神社。

高金素梅指出:”苏进强今日仔若是日本儂來讲,伊走去参拜靖国神社,安呢我無话通讲,不而过伊苏进强明明是台湾儂,竟然做出即款离经(lī-keng/荒 谬)的代誌,實在予儂無法度理解佮吞忍”。高金素梅做一个比论,伊讲“换做叫犹太人去祭拜纳粹统治者,毋知会出现啥物款的情形?”

>>宋楚瑜: “苏进强参拜神社伤害台湾儂的尊严”

对着台联党主席苏进强昨昏参拜靖国神社即层代誌,亲民党主席宋楚瑜今仔日顶晡是严厉来咧批评佮摳洗。宋的讲“苏进强走去靖国神社拜日本儂,这毋若(m̄- nā)是伤害着台湾儂基本的尊严,佫較是徹底丧失民族立场”、“靖国神社内底确实有台湾儂的灵位,毋佫遮个(chiah-ê)台湾儂毋是为着卜保卫台湾來 战死,in 拢是殖民时代的時,去予日本仔招去战场替in 拼命拼死的,苏进强的行为该当受着全民做夥來呸臭瀾(phùi-chhàu-nōa)”。

>>郁慕明(新党主席):“台联敢讲已经成做日本军国主义伫台湾的替身仔?”

郁慕明发布新闻稿,谴责”台联”的行为。郁慕明指出,”苏进强乌白弹(o·-pe̍h-tōaⁿ)、乌白讲,讲供奉伫靖国神社的”台籍军人”是”为国牺牲 “……事實根本毋是安呢,当時日本仔强强lia̍h台湾人民替in 去拍中国佮其他国家,這”为国捐躯”是咧捐安怎?”郁慕明呼吁台联党愛真真正正來爱台湾人民,毋通做日本军国主义在台湾的替身仔(华语:附庸)。

>>国民党发 言人张荣恭表示,“靖国神社透底供奉一寡仔二次世界大战的甲级战犯,是日本军国主义的代表,伫亚洲人民心目中一贯是‘臭莶莶’(chhàu-hiam- hiam)。苏进强用台湾政党主席的身份去参拜,予儂看出”台联”崇敬日本军国主义的心理。设使台独势力佫想卜勾结日本右翼势力对抗中国大陆,安呢对台湾 来讲并無好处,该当受着谴责”。

>>民进党: 苏进强应当说明参拜靖国神社真正的目的

民主进步党立法院党团干事长赖清德表示,”苏进强有必要对民众做一个交代,讲清楚是安怎卜去拜?真正是咧拜啥儂?” 赖清德又佫指出,”虽莽台湾佮日本算讲亲兄宝弟(华文:唇齒相依),不而过,日本过去发动战争、占领台湾,台湾民众到taⁿ犹原佫有‘bē 快活’的经验”。赖清德表示,”苏进强有必要交代清楚,到底参拜的目的是啥?是干凋咧拜2万8000外个台湾儂的神主牌仔,抑是佫有其他的想法伫咧?”

發佈留言

發佈留言必須填寫的電子郵件地址不會公開。 必填欄位標示為 *

*