Ùi台灣民視(FORMOSA TV)來講起

原文:《从台湾民视谈开去》,華文,陈海,四川省      譯文:閩南文;譯者 LimKianhui)

踏话頭:先講代先,某儂翻譯即篇文章,完全是因為「趣味」,無代表某儂ê觀點,內底所議論ê話語,佮某儂無治代……

有一间台湾的电视台,叫做“民视”,全称是“民间全民电视公司”,英文台号是“FORMOSA TV” ,是一间佮“台独”背景有关系的电视台。民视的节目当中,我感覺上kài 有趣味的是,第一、电視节目透底(thàu-tóe)采用台语,也着是闽南语播送;第二、对中国大陆直接称呼“中国”,當作外国看待;第三、一寡新闻性的 节目,比论“头家来开讲”即款的,定定会得听着台独人士的主张。最近中国国民党主席连战带隊到中国大陆访问,民视台特别闹热,节目有够丰富,信息量有够 大,人物有够濟,报导的事项一層紲一層。本然,我对台独覌点毋是真清楚,通过看民視台的节目,予我对這有佫較深的了解。不而过,我发现,民视的舆论作用并 無親像in 家己講的遐呢(hiah-nī)公正;台独的思想佮in 的表达方式猶原猶佫無法度予儂信斗(sìn-táu),上无,会使讲犹佫真稚(chíⁿ);台湾的制度嘛無像in 家己講的遐呢好,犹無算正港的民主。有寡仔物件(現象),略仔(lio̍h-á)值得議论:
第一,民视共(kā)中国大陆完全看做是外国。我的感觉是,民视真正的功夫伫(tī)喙舌,台独真正的本事嘛共 款是用喙咧讲爾(niā)。“头家来开讲”即套节目的主持人胡婉龄小姐上gâu共侬烏白牵拖,烏白經體 (keng-thé),予儂感覺伊亲像是常在(chhiâng-chāi)咧予侬苦毒的新妇仔(sin-pū-á)。比论讲,连战伫南京讲來到大陸是“相 见恨晚”,胡小姐七鬥八鬥,讲“连战为何毋願意佮阿扁仔見面”;佫來,连战伫中山陵讲起孙中山在生晉前讲过的“和平、奋斗、救中国”,胡小姐着抵(tú) 讲“是安怎毋救台湾”……其他的独派人士嘛是安呢。我咧想,假使台湾独派人士看bē 合(bōe-ha̍h)国民党的“一中 ”,骂国民党扶(phô·)中国大陆的LP,出卖台湾,安呢in 家己聽好(thèng-hó)先取消“国统纲领”,即時宣布独立着好也(a)哩!设使真正 “正名”成功,安呢卜(beh)骂连战嘛較有理由,若无,汝根本無理由骂连战。我咧想,独派人士应该猶無即个本事。所以,in 干凋(kan-ta/kan- na)会當變弄(pìⁿ-lāng)一寡文字把戲,“一暝全步数,天光無半步”,普通時仔是讲kah喙角全波,事實心肝頭拢嘛真无奈,只好囥 (khǹg)一腹肚火,不管時來咧起性地。

第二,所有的台联佮民进党人士,透底(thàu-tóe)性地真爆躁(po̍k- sò)。in 伫咧节目当中发表議论的时,声嗽(siaⁿ-sàu)拢愛比国亲两党的人士較大,比手弄蹄,肏膣撬螺(chhò-chi kiāu-lê)。毋佫,道理無濟。会当看出in 的基本政治素质。in 讲连战去大陆应该要求中共将飞弹搬捒(poaⁿ-sak),并且保证毋用武力威胁台湾的民主自由。in 其實拢嘛真清楚大陆的飞弹是对凖啥物侬。台联党有一个头侬将贞操带扎扎來做节目,讲是卜送予连战,叫伊去大陆的时愛保持台湾侬的立场。即款出頭,實在讲, 無输(bô-su)若(ná)三岁仔咧扮公伙仔。高雄有一个绿营立委咧竞选的时,伫选民的面头前,手攑刣牛刀,做出卜刜(phut)胡锦涛头壳的屈勢,讲 号做“lia̍h贼先lia̍h王”。即款撇步,当然有合(ha̍h)遐个無品味侬的氣口;不而过,soah予侬感觉台独人士“變無 báng”也、无法度囉。讲實的,in 是眼光伤过短(té),腹腸伤过隘(oe̍h)。自古以来,靠即款侬來拍天下,毋捌有成功的。

咱拢知影,台湾的选举文化,全世界佫chhōe無第二,伊無親像西方国家,愛由社会民众來考评侯选人的公共形象、学识能力、以kah对国家人民是毋是負 责任。台湾的侯选人代先愛學会曉安怎相骂,佫來愛学会晓降下家己的身份掺普通侬共款,这点绿营人士做kah真巧氣(khiáu-khùi),實在真無简 單。比论讲踙(chhōa)群众冤家、惹事等等。因为有够“親民”,结果,百姓往往認為即款侬会当交心,甘願選伊。所以咱看台湾政坛,会使讲是芋仔蕃薯濫 掺(lām-chham)做一堆,素质悬下(kôan-kē)差kài 濟(kài-chē);詈骂(lé-mē)佮恐吓(khióng-hat)kài 時行,话屎掺拗蠻(áu-bân)加足(ke-chiok)濟。會使讲,台湾的民主并毋是一个成功的例。台湾今天的民主实际是“小岛本土乡村文化”透濫着 财富的怪胎。

台独人士的观点佮做法是,封锁消息,割断交通;有合(ha̍h)着in 的意,着有道理;無合in 的意,着是无道理;死龟诤kah (kah)活鱉,毋着(ti̍oh)硬拗kah着(ti̍oh)。凡若(hōan-nā)是中国大陆的代誌抑是物件,好歹拢是歹的。in 看bē 着中国大陆近年来的发展佮变化,干凋知影經體(keng-thóe)、咒讖(chiù-chhàm)、抾恨(khioh-hūn)中国大陸。一寡仔所谓的 台湾民主人士佮台独人士不管時來咧摳洗(khau-sé)大陆是专制佮独裁。拆白讲,好佳哉,大陆即阵無实行台湾迄款制度,若無,稳当比台湾佫較乱,百姓 会佫較不幸。需要说明的是,凖讲大陆來實行台湾迄款制度,安呢台湾不但无可能独立,颠倒统一嘛會加真紧。讲實的,阻止台湾分离的,毋是干凋中国共产党, he是中国五千年的历史佮文化,是中国目前十三億的人民。设使干凋用公投來决定是毋是武力统一台湾,我看台独人士根本无可能像即阵安呢遐呢仔(hiah- nī-á)好食睏,犯勢嘛无機會伫遐咧喝(hoah)独立。 有寡仔台湾侬若是连即點也看无,實在有够悲哀。

其实台湾独立派人士从来 毋是因为反共才卜來反对中国大陆,現白讲,in 是咧反对“台湾属于中国领土”即个事实的代誌。所以,咱嘛真容易理解是安怎in 咧对待本岛内部主张“一中”的侬的時,是遐呢仔壓霸佮chhàng鬚,害kah遐个本然主张“一中”的聲音,即陣拢驚kah毋敢佫出聲。會使講,台湾的民 主是十足的民粹。连战的话原在不止仔在理。

第三,看独派人士的政治智慧。伫独派人士当中,李登辉照讲是智慧上悬(siōng kôan)的领袖。咱看伊会当掌控国民党十年,紲落來(sòa–lo̍h-lâi)佫共(kā)国民党舞kah浪家散宅(lōng-ke-sòaⁿ- the̍h),實在是一位真真正正的大敖侬(tōa-gâu-lâng)。現主時,伊虽然八十外外,猶原佫咧四界走闯(cháu-chông)、鼓吹 (kó·-chhui)煽動,伊确實是一个真够格的独派精神领袖。毋佫,台湾實在伤细,离大陸又佫伤近。毋管伊安怎車盤,嘛无法度改變即款的事實佮道理: 第一,中国大陆愈來愈强,到迄阵,台湾独立已經完全無可能;第二,台湾问题愈來愈毋是本岛侬家己会当决定,伊是由着国际各种力量平衡了後來决定。所以,李 先生真食急,真正食急。伊知影時日無濟,目睭金金看即陣台湾独立猶未成做岛内的共识,嘛无法度成做国际共识。是讲,伊又佫“狗咬铁釘仔尾——毋甘放”, “程咬金六出祁山——拖老命”,伊四界走闯、四界投,希望会当伫短期内一步一步來實現建國的美夢。即擺連戰出訪中國大陸,李先生實在拢bē 食bē 睏,經體連戰是咧番颠、时空错乱。李先生講,凖講两岸卜談,嘛愛揪(giú)日本佮美國做夥來,而且愛坫(tiàm)外國某一个所在谈。台湾问题国际化, 這是独派人士代先想卜达成的目的。不而过,中国即阵已经毋是以早的大清国,嘛毋是毛澤東、蔣介石的年代,今仔日,伫即个星球顶面,無侬有才调、無侬有法度 共台湾问题国际化。上kài 根本的原因着是,大陸永遠無通(bô-thang)。  所以,我個人认为,只卜李登辉先生佫伫咧(tī–leh),台湾独派人士算讲猶佫有bē 少(bōe-chió)的政治智慧,毋佫,上帝嘛无法度赐予in 表演的戲臺,無赐予in 好的時機,無通予in 親像摩西安呢“行出埃kah”。因此,上帝只好目睭金金咧看in 家己的造化:若卜理智,是顺应潮流;若卜激khám,是死路一條。
總講一句,看民视的节目,予我看着台湾独派的性素佮作为,看着in 為卜分离所做的濟濟努力,看着in 常在(chhiâng-chāi)來咧起鑼動調,当然也有歡喜的场面。總是,我有一个印象,着是讲,卜靠即阵侬拼天下,無可能会成。因為in 否定的伤濟,留予家己的伤少,包括空间佮時间.

發佈留言

發佈留言必須填寫的電子郵件地址不會公開。 必填欄位標示為 *

*