日本驚中國愈勇,家己愈無蹦(注1)

因為中國咧發展實在真緊,進前日本已經為著中國來改變地緣戰略,即擺連國內的政治趨勢嘛受著中國的影響。對日本來講,自1990年出現泡沫經濟過後,十幾年來,伊上煩惱的著是即个厝邊一工一工咧轉大。
Khêng實予日本儂感到第一煩惱的,毋是中國目前的政治、經濟佮軍事實力。Beh講經濟,現此時 中國對日本並無形成明顯的威協,顛倒是兩國之間的予補愈來愈明顯,汝共看:日本的優勢在電子産品、工程技術佮汽車工業;ah nā中國的優勢是hiah-ê勞力成本較kē的加工製造業。韓國一寡仔一粒一的跨國公司才是日本真正的對手。Nā高科技即方面,中國對日本的競爭猶比 bōe過意大利(義大利)。  真正的威協,毋是即陣,是未來。假使中國的經濟、軍事實力照目前的速度發展落去,免30年,中國著有能力去影響整個的亞洲。到hit陣仔,其它的亞洲國家定著會相爭來佮中國結緣,ah中國著有能力成做全亞洲的主裁,包括能源、貿易、投資、環境佮區域安全。

Ah nā安呢,是定著會去傷著日本儂的民族自尊,佫會嚴重阻礙日本的國家利益。因為日本的野心著是beh做全亞洲唯一又佫永遠的主裁。所以,日本儂才會煩惱kah……最近,日本國內支持右翼勢力的儂愈濟,排華的聲勢嘛愈大。

不而過,日本今後正確的外交政策應該是加去參與一寡區域性的組織。設使中國的經濟愈來愈強勢,安呢日本著無機會佫佇咧即个地區做頭。毋佫,即款的競 爭,對中日兩國來講攏毋是好代誌,造成的後果可能會真嚴重。日本上好的戰略是利用區域性的協議佮條約來分散中國的影響力,運用一種框架規則佮秩序來約束國 家之間的合作。安呢嘛有助日本佮其他亞洲國家建立同盟的關係。

「小泉首相上任到taⁿ,堅決支持美國,加強日美關係,主張強化『東亞共同體』,主張東亞國家佇安全佮經濟領域加強合作。即兩條政策是thèⁿ起日本安全戰略的兩叢大柱。」東京大學東洋文化研究所所長田中明彥是安呢講的。

假使日後亞洲地區會出現親像歐盟即款的組織,hit時,日本肯定無願意予中國唱主角。過去,見nā講著日本,定定會予儂想起德國,因為亻因攏是二戰時期 的戰敗國。不而過實際上,日本的情況顛倒較siâng英國,因為亻因平平攏是美國的盟友。有噹時仔,日本佮美國的關係甚至佫比厝邊國家較bā斗。毋佫,佇未 來即數十年內,日本hoān-sè著愛斟酌去研究法國成功的經驗。法國佇歐盟內底,為著防止「予儂放bōe記」,往往愛倚靠各種的協議來達著目的, siâng時佫會通提懸國際地位佮名望。

ps. 原文(華文)登佇《经济学家》(2005.10.6),標題《新东亚旧宿敌》,董国明译;荆楚新闻网(中国)、联合早报(新加坡)轉載

〖添注〗1.無蹦:bô-peⁿ,佮儂無tè比,bōe比並。

發佈留言

發佈留言必須填寫的電子郵件地址不會公開。 必填欄位標示為 *

*