攏是咧拚選票

即下的民主社會,攏嘛時行彼號選舉啦。選有的,卜講是完全食命靠字運,彼嘛是無影;選無的,有時仔嘛勿會使kan-ta咧牽拖運命歹,真正的原因凡勢是家己無夠拚。毋管是選村長,抑是選市長,抑是議會佇咧選議員,國家佇咧選總統,攏嘛愛拚啦。拚啥貨?彼也使佫講,選票啦!

有一條台灣來的閩南語老歌,號做『惜別的海岸』。摕來改改咧,無相棄嫌,小鼻臭一下。

為著選票,強強來相拚,
拚來拚去永遠無輸贏。
今日汝詈我,明日我經體汝,
冤家相拍彼嘛無算啥。
立法院戰到總統府,
親像舞臺頂佇咧搬,
啊,民眾的心聲無儂咧聽。
雖然喙箍講卜為社會,
做官事實攏是趁私奇,
自古到當,
有幾个親像包公彼一般。

Tagged: ,

發佈留言

發佈留言必須填寫的電子郵件地址不會公開。

*