合租房,姊妹仔古

大學讀出業了後,一時揣無頭路,著佮姊妹仔伴張阿巧相合(saⁿ-kap)佇咧火車頭就近稅一間厝。講是講一間,事實泛泛闊。阿巧原仔佮我共款,無揣著好頭路。兩儂公家稅一間,較省紙字,佫會當相照顧。

彼間房真正有夠闊,兩張眠床排挺橫(thán-hoâiⁿ),賰佫十外仔外平方通行徙(kiâⁿ-sóa)。我睏外口彼張,伊睏內面張。兩張床,中央但(nā)拎(nê)一桗(tè)布簾仔,有若無。

布簾仔(pò·-lî-á)閘佇中央,但有(nā-ū)是隔一个意思的爾(niā)。平常時仔,罕得放落來,拄著啥儂亻因Friend boy來,則會放落來。

我敿張阿巧,計是讀大學彼陣著行Friend boy,計是得卜出業彼冬扯(chhé)。一聲扯,隨儂行隨儂的,無交纏,無相抾恨。我即陣行的即个諸夫(tsa-po·)朋友,是出社會了後相捌的,阿巧嘛是。不而過,我即个是阮頂屆的師兄。阿巧彼个是社會儂,一箍肥捙捙。

阿巧讀大學交的彼个,嘛肥到若八戒咧,無疑(bô-gî)即下交的嘛照原肥的。凡勢,伊較合意肥的諸夫儂。會記得捌聽伊講過,講肥的儂,睏蹛伊腹肚頂,軟糊糊,sìm咧sìm咧,若像咧睏海綿胖椅(phòng-í),爽快佫輕鬆。看勢,伊即世儂無嫁肥翁敢是勿會凖煞囉。

阿巧敿亻因彼箍,罕得坫阮即間宿舍過暝,亻因計是相chhoā去外口happy。

亻因即對是上網相捌的。肥仔兄捌叫阿巧搬去敿伊相合蹛,伊講伊遐嘛有稅一間孤間。毋過,阿巧拄佇火車頭遮揣著一份頭路,嫌講蹛城東彼爿傷遠,上落班勿會利便,無愛搬。所以,姑不而將,兩地佇咧分居。

我路尾嘛佇火車頭就近討著一份工,略仔比阿巧較遠一絲仔。阮彼个敿我共單位的,毋過伊是徛親堂遐。我嘛有去伊遐去過幾若擺,毋過,伊暗時逐擺計送我倒來,伊毋敢留我佇遐過暝。

阮嘛有咧想講卜來去外口家己稅一間,毋過就近遮,卜揣細間厝仔真正足僫揣。上細的計是彼款兩房一廳的,價數佫貴參參,算算咧,一月日但交厝稅,著強卜摻我的薪水平濟ah。所以,看破佫鬱佇遮,毋敢徙。

一間房,兩張床仔,論真,真正離無不夠一公尺闊,就使用布簾仔幡(hoân)咧,上加是遮一个目睭爾,根本無法通遮耳空,若咧「咿歪哂衰」全全嘛聽現現。所以,便若是布簾放落來的時陣,即爿著是樂暢的天堂,亦若彼爿著通講是烏暗的冷宮,規暝佇咧折磨。總是,即種折磨,阿巧食比我較濟,因為亻因彼箍肥兄徛比阮較遠。

不而過,想勿會到阿巧意見soah比我較大條。伊講伊定定予阮折磨到規暝無nih目。拄頭仔我想講伊咧愛講笑,因為我嘛定定予伊害到勿會睏得,爭差伊比我較濟擺爾。

阿巧的不滿,終歸尾猶是發爐囉!彼暗,我敿阮彼个當咧興(hèng),無疑布簾仔雄雄soah脫開,是阿巧。伊大聲嚷一句講「ah恁嘛有夠肉骹!技術hiah bái,真正看勿會過目!」

臨當時舞即齣,害阮兩个事主soah nai佇遐,強卜蔫去!好佳哉 阮彼个猶佫接載(chih-chài)會牢,規欉好好,無蔫去。亦若無,代誌真正足大條的。

Tagged:

1 comment

  1. m.ts.g 2011-09-23 at 16:22:09 Reply

    na2 kan3 na2 chah4-lat8, kan1-khoo2!!!

發表迴響

你的電子郵件位址並不會被公開。 必要欄位標記為 *

*