設使我是一頂車

設使我是一頂車,
汝若嫌我傷漚古(1),
無要緊,我會當去改造;
汝若嫌我走了傷慢,
無要緊,我會當催較緊淡薄;
汝若嫌我走了傷狂,
無要緊,我會當較撙節咧;
亦毋過——
汝[勿會]當按呢,
毋共我添油,
卜叫我行;
汝[勿會]當按呢,
明明頭前無路,
卜叫我硬衝;
汝[勿會]當按呢,
佇我故障的時陣,
放據在儂共我舂(2)。
按呢,我[勿會]堪得!
好歹,車嘛有伊的價值,
有伊的生存權,
有伊的尊嚴……
所以,
我請汝替我想看māi,
我不過是一頂車,
一頂普通的車。
我敢咒誓(3),
我毋是飛機,
佫較毋是飛船。
我kan-ta想卜共汝講,
[勿愛]ah啦,
我siān囉。
我真驚,
我真正足驚!
……
嗯,我卜講的,
著是按呢。
毋知影 汝敢有咧聽?

ps: (1)漚古:àu-kó·
(2)舂:cheng
(3)咒誓:chiù-chōa

Tagged:

發表迴響

你的電子郵件位址並不會被公開。 必要欄位標記為 *

*