熱天時,龜公佮龜母相招去海邊仔約會,坫咧海沙埔邊頭一窟洞空內過暝。「空課」做煞,龜公足悿的,想卜睏,毋過龜母原在猶佫誠精英,伊共龜公講足濟話,講啥卜佮伊山盟海誓,白頭偕老,有的無的…龜公驚着,一心想卜趁早抽退!隔轉日,天未光,龜公無講無呾,惦惦做伊赸囉!隔年熱天,龜公有一過,行過海沙埔,因為天誠熱,着斡入去洞空內秋凊。無疑,soah看着一隻龜母倒佇內面,四骹躘直直。龜公感覺誠龜怪,近前問因端。龜母soah氣挽挽,應伊講「攏嘛汝!彼年彼暗,汝共儂反過身(péng-koè-sin),佫共儂按呢按呢…天未光,做汝làng-liâu,走到不死國,害儂佇遮睏成年…嗚嗚」。龜公臨當時想着彼年彼暗的代誌,想着龜母所講的話,驚一下流凊汗,加話無講,越頭做伊走到無看見儂影!
好像原本是个捞话故事,你拿来翻译成闽南话的。
係啊!汝哪會知?哈哈,有趣味無?