觸喙股——犁畻

紅猴仔:
阿輝伯仔,乜代誌走到hiah生狂?

阿輝伯仔:
緊卜來去挽瓠仔,兼摳塗豆,順紲掘看有蕃薯抑是豆薯無。

九嬸婆仔:
我畻裡(ni̍h)誠濟項穡,我緊來去顧!

阿花仔:
驚死九嬸婆仔!夭壽!

阿輝伯仔:
汝的,我毋挃。

紅猴仔:
喂,聽講群主即暫咧生檨仔,攏爛去ah neh!

阿輝伯仔:
紅猴仔,汝有看著伊生檨仔?

九嬸婆仔:
哎呦喂啊,驚死儂!有影無啦?

紅猴仔:
聽儂講的,鬼會知有抑無。

阿輝伯仔:
好啦,勿愛講講彼有的無的啦,教歹囡仔大細。啊……著啦,九嬸婆仔,汝畻無下肥,穡無通好。

阿花仔:
阿輝伯仔,汝閒儂,汝緊去放屎,通做肥。

紅猴仔:
我吐……

九嬸婆仔:
放屎?去屎礐仔放,順紲看林青霞?聽儂講,壁頂佫有畫林青霞的尪仔圖,媠到(kah)!

阿輝伯仔:
九嬸婆仔汝彼坵畻,無的確(勿會說得)計是阿花仔咧共汝鬥壅肥。

九嬸婆仔:
哦?有即號代誌?我毋知啊!

紅猴仔:
阿花仔彼坵是毋是咧放草仔埔?久無儂犁,敢(káⁿ)早著荒草埔去ah。

阿輝伯仔:
紅猴仔,汝意思是講,汝想卜去犁?

紅猴仔:
我卜來去開荒,地猶真濟著,免驚揣無地通犁!

阿輝伯仔:
汝即號身命,即號體格,汝有才調趁儂去開荒?

阿輝伯仔:
我看,做風颱的時陣,汝敢(káⁿ)著去繃(piⁿ)咧大石柱較有影。

阿輝伯仔:
王碌仔仙,汝來ah哦!紅猴仔講阿花仔彼坵畻無儂通犁。

王碌仔仙:
呵呵,咱頂日毋是叫紅猴仔著去梨?

阿輝伯仔:
在伊的意思,伊kán-ná有想卜招汝做伙去犁。

王碌仔仙:
無啦,伊犁,著有夠囉,哪通著到我?

阿輝伯仔:
汝嘛免怨嘆無通犁啦,汝較序大,無汝犁頭遍,則予伊犁二遍啦。

紅猴仔:
我聽恁咧烏白講!

阿輝伯仔:
哈哈,紅猴仔,汝意思是?我敢有誤解汝?

紅猴仔:
我無講,計是汝咧生言造語。

阿輝伯仔:
著啦,是講,阿花仔彼坵畻,是焦畻,抑是水畻?

王碌仔仙:
無我的代啦,儂in兩个差不多歲,叫紅猴仔去犁,犁了則會就逝(chiū-chōa)啦。

阿輝伯仔:
紅猴仔啊,畻地會畓(làm)勿會?

阿輝伯仔:
王碌仔仙,聽汝按呢講,穩當是焦畻。

紅猴仔:
焦畻著戽淡薄仔畻水較好犁

阿輝伯仔:
著啊。紅猴仔汝原在內行的。看勢汝oân-á定定有咧犁哦!使牽牛落去拖犁毋使?

王碌仔仙:
紅猴仔即陣當勇!力草誠飽,有力盡拚!

阿輝伯仔:
王碌仔仙汝講伊力草飽,意思敢是講,伊比牛較勇?免牽牛拖犁?

王碌仔仙:
有牛無牛攏無差。

紅猴仔:
哈,畻草順勢摳摳咧……

阿輝伯仔:
紅猴仔,汝著撙節的哦。共儂摳到無半支,光禿禿,儂會歹勢啦。

王碌仔仙:
彼畻草勿會用得用摳的,捋捋(loa̍h)咧著好囉。

阿輝伯仔:
著哦,本然,有的草是卜遮閘(jia-cha̍h),汝kâng摳摳起來,無遮無閘,按呢是卜按怎則好。

阿輝伯仔:
王碌仔仙,汝內行的。汝這號做 愛花連枝惜。

王碌仔仙:
嘛有儂講「愛花連盆惜」。

阿輝伯仔:
紅猴仔啊,講一句較土的,畻予汝伊犁去,著真衰潲囉,草仔佫予汝摳去!嘛傷雄!

紅猴仔:
哇哈哈哈~

阿輝伯仔:
是講,紅猴仔啊,汝敢誠實卜去犁?

王碌仔仙:
紅猴仔犁到(kah),暢到(kah)!

阿輝伯仔:
無啦,伊犁到強卜無力去。畻傷焦燥。犁勿會啥會行,真食力。

紅猴仔:
無啦,揣無地是卜按怎犁?

阿輝伯仔:
明明都犁去規晡久ah,猶佫咧喝無畻地? ?做儂愛老實哦!

紅猴仔:
汝soah會知?

阿輝伯仔:
我本然想講,著疼汝犁了會悿,按算卜叫王碌仔仙去鬥犁一氣,無想講,汝soah chiah無硬直。

王碌仔仙:

閒看門中月
思耕心上田

塗豆仁:
鹹飯好食厚菜,媠某好看損翁婿。著注意哦!

王碌仔仙:
燒糜厚菜,媠某損婿,哈哈。

阿輝伯仔:
王碌仔仙,汝意思是講,有彼號諸母儂,閒閒無代誌,假空佇咧看天看星看雲看月,事實是想卜翁婿趕緊倒轉來,通攬入房扮公夥仔? ?

王碌仔仙:
差不多啦。

阿輝伯仔:
哦。是講,汝這是咧講啥儂?敢是咧講阿花仔?抑是……抑是咧講婆仔?

王碌仔仙:

閒看門中月
思耕心上田

儂彼是一對拆字的巧對啦,汝咧……

阿輝伯仔:
哦。我想講汝佫咧想空想縫,變鬼變怪,七創八創。

阿輝伯仔:
是講,汝這「思耕」,照看,彼是愛卜儂趕緊來「犁畻」,敢毋是?

王碌仔仙:
汝則有影是咧想空想縫!

阿輝伯仔:
是講,紅猴仔soah走無去?三烏四暗,是走去toh ?

紅猴仔:
我來ah,是咧講啥貨啦?

阿輝伯仔:
汝頭先敢是走去犁畻?無哪會去hiah久則來?

紅猴仔:
我去看有牛無

阿輝伯仔:
汝犁畻著佫牽牛去?汝毋是攏親身落去拖?

紅猴仔:
無牛是按怎犁?

阿輝伯仔:
牽牛犁,soah去予牛趁著。

紅猴仔:
無換汝來拖。

阿輝伯仔:
我?哈哈,彼著愛看是啥物畻。若是洘畻,我無卜犁;若水畻,罔考慮。

王碌仔仙:
儂都咧無通犁ah,哪有通著到牛?

阿輝伯仔:
無紅猴仔佫講卜牽牛來犁?

紅猴仔:
叫王碌仔仙來放水,汝來犁。

阿輝伯仔:
若是好畻,免放水,伊家己會生水。

紅猴仔:
畻家己會puh泉哦?

阿輝伯仔:
會囉!汝「犁耙」攢(chhoân)出來,伊都家己出泉ah…

紅猴仔:
看勢是好畻,按呢好!

阿輝伯仔:
若是歹畻,汝水放較濟,嘛無效,死澀死澀,犁攏勿會振動。

阿輝伯仔:
儂講,做著歹畻,望後冬;娶著歹某是一世儂。

阿輝伯仔:
紅猴仔,有的畻,三四十年攏無儂犁過,汝敢趁食伊會倒? ?

紅猴仔:
卜來去睏,明仔透早著起來犁田

阿輝伯仔:
哦?透早咧犁畻? ?

王碌仔仙:
伊是卜暗時先沃水。

阿輝伯仔:
伊犁著歹畻,著佫儂戽水。艱苦代。

紅猴仔:
無作穡,無通食,緊來去睏較有影

王碌仔仙:
緊去睏,透早則較早起來犁!

阿輝伯仔:
無犁,卜哪有穡?愛加犁幾遍,著會生水囉

王碌仔仙:
作啥穡?

阿輝伯仔:
伊栽番仔蕃薯,有夠番的蕃薯。貧懶kah勿會哭piāng去,攏毋捌去thî-thoáⁿ

王碌仔仙:
呵呵,毋是啦。看是鹽(sīⁿ)菜脯嘛較有影

阿輝伯仔:
菜脯,汝是買倒來,家己鹽。逐暗計有通鹽。舞到身命怯了了。

阿輝伯仔:
半暝囉。通來去睏較有影。王碌仔仙,愛會記得共紅猴仔鬥巡水路哦。

Tagged:

Comments: 6

  1. myway 2011-03-04 at 17:07:57 Reply

    “觸(答)喙鼓”敢無較好?

  2. hiku 2011-03-04 at 22:00:46 Reply

    Lim’R:

    1. 王碌仔仙:
    燒糜厚菜,媠某損菜,哈哈。

    「損菜」汝拍傷 hiong5。

    2. 貧懶kah勿會哭piāng去,攏毋捌去thî-thoáⁿ

    2.1「哭piāng去」是啥?to2 一角的話?
    2.2「thî-thoáⁿ」是「thî 草」佮「thoáⁿ 草」?

    • admin 2011-03-05 at 12:21:15 Reply

      「哭piāng」、「我piāng」……同安、廈門攏有講。「piāng」著是「父」,不而過,毋是≌的關係。
      「thî-thoáⁿ」是「thî 草」佮「thoáⁿ 草」。俗語講「無thî無thoáⁿ,蕃薯較hai飯碗」。

      • hiku 2011-03-05 at 17:18:13 Reply

        阮有講1.「gua24 piang42」、2.「gua24 piang33」、3.「gua24 piang33」、4.「gua42 piang11」;無講「哭 piang2 /7」。

        所有的「gua2」是「我」,1.2.3.連讀偏泉同 (安) 腔變調做升調。4.「piang」是輕聲,頭前的「我」用本調。「piang2 / 7」是「害了了、去了了」的意思,1.2.3.4.計是我「我這聲害 a7」,參「老爸」無關係。若 (naN2) 像無人講「汝 piang2 / 7、伊 piang2 / 7」的款。

        心適心適,提供汝罔參考。

        • hiku 2011-03-05 at 17:21:03 Reply

          歹勢,頂頭2.3.重複。

          • admin 2011-03-05 at 21:28:39

            Piang的意思,有影較成汝開破的按呢!哈,我有閒則佫問較分明咧。 thanks!

發表迴響

你的電子郵件位址並不會被公開。 必要欄位標記為 *

*