李敖最後的公開批

台灣學者作家李敖,在佇西暦2018年3月18號過身。李敖在生上尾一張公開批,寫講:

逐个好,我是李敖,今年83歲。

年頭,我查出生腦瘤,現此時拄拄做過化療。當今一日着食6粒類固醇,身體變到親像戰場,即站又故兩擺穢着急性肺炎蹛院,我盡艱苦,照看是閻羅王咧共我拽手,吩咐鶆鶚來寄批啊。

我即世儂,罵過真濟儂,傷着真濟儂,冤仇儂算𣍐盡,朋友無幾个。醫生共我講:「汝上久通故食三年,有啥物想卜做、想卜變的,趕緊!」

我咧想,即段時間,想卜共《李敖大全集》加編41-85本,以外着是想卜佮厝內儂、朋友、冤仇儂故見一面,相辭一下,這恁會使看做是汝咱即世儂上尾擺會面,「bye-bye,李敖」,隨儂行予好,此後,無通故再相見。

因為是上尾擺見面,所以我眏望即擺會面,各儂會信實、有誠意。毋但愛講咱是按怎相捌,按怎相熟,故愛講咱按怎相愛、相戰。

凡若來賓,我會對汝講實在話;我嘛愛汝對我講精實話,言者無罪,聞者足戒。

敢彩進前,咱冤到三代絕,戰到無命;敢彩咱捌歡喜鬥陣拍拼過;我眏望通過即擺會面,通予咱攏歡喜,攏勿愛有怨嘆。無怨嘆,這是我對汝的承諾,也是我對汝的眏望。

凡是來賓,無論恁徛佗位,我攏會親手寫批邀請汝。邀請汝來台北,來我的冊房,咱通做伙食一頓飯,翕一張像,我會抴汝去看古錐的貓,我會全程記錄咱上尾一面的相會,一方面是留做咱的紀念,另一方面也通滿足我的淡薄私心:離開大陸媒體卜倚10年啊,我想卜通過遮个影像,予逐个通故再看着我,故一擺看着無共款的我,見證我人生落幕。 感謝各位!

我的夢

我卜衝 我卜傱 我卜去飛
坫即个世間 ei~
忍著疼 共所有的悲傷
攏掟落大海 hei~
卜飛,著大膽去飛
誰無經歷失敗
心無阻礙 勇敢拭去目屎 衝出天所安排

我的夢毋免停留等待
經過艱苦鍛鍊骹若徛會在
創造心中無限眏望的將來
予我會當行入去汝的世界
因為汝是我的愛 是我的愛

我堅決 我勇敢 毋驚苦
行過著暗暝 踏過著邊界
曝過日 吹過風 向前衝
相信有一日
徛佇汝身邊
雨據在伊直直落
噴起骹底的塗
喔[勿愛]掠做失去的第一寶 怨嘆今日逐項攏無

我的夢毋免停留等待
經過艱苦鍛鍊骹若徛會在
創造心中無限眏望的將來
予我會當行入去汝的世界
因為汝是我的愛 我的愛
汝是我的愛
我的愛

世界卜按怎變化
攏毋是意外
著愛斟酌來對待
命運的精彩
世界卜按怎變化
攏離[勿會]開愛
一路行來的步伐
勇敢講出我毋故等待

經過艱苦鍛鍊骹若徛會在
創造心中無限眏望的將來
予我會當行入去汝的世界
因為汝是我的愛
(和:經過艱苦鍛鍊骹若徛會在)
我的愛
(和:創造心中無限眏望的將來)
我的愛
(和:予我會當行入去汝的世界)
因為汝是我的愛

雙仁卵

第一章
石坑社是倚山近溪的小社里,車路無利便,所在喪兇,儂閉思,無啥儂愛入城去討趁。社里有錢儂無幾个,趁第一好的是號做「劉虎仔」,伊是阮叔仔,幾若年前有入城做工,變淡薄小生理,小可有趁著錢,倒來鄉里有佮儂包水閘的工程去做,當今不止好過日,第一予儂欣羨的是阮彼个細漢嬸——張冰雪,生做嶄然水,褻體好肉菜,伊並阮叔少六歲較加,拄拄㱏二十二,看著伊,我定定無因致端,心肝頭佇咧噗噗筅。
張冰雪從嫁阮叔,厝內外的空課攏毋捌摸著,逐日抱一臺電腦佇厝內上網、俶陶,阮叔佇城內無閒、走傱,社內濟濟羅漢骹仔、五支鬚仔攏咧數想張冰雪,想卜共伊騎,總是,阮叔否性地是通儂知,所以想罔想,正經無儂敢起骹動手。
「石頭仔,去共恁叔仔借一奇水桶,我卜佮恁阿爸去戽水,」阮母仔吩咐我講,「乾焦恁阿爸一儂,到日頭落山嘛舞𣍐直。」
「喔。」我共手裡的鋤頭批去邊仔,行對水閘頂的樓仔厝去。
我今年十六歲,六月冬拄拄初中讀出學。有通讀高中抑無,彼天公伯仔嘛毋知。其實我的分數,考城內的高中照講是無問題,總是,厝內赤赤,阮爸仔驚我別日考𣍐著牌子大學,著共我講,若無入「指標生」的名額,歸去老老實實坫厝裡作畻。
講實的,我無想卜坫鄉里作畻,一世儂交畻塗咧柀手面。總是,卜入「指標生」,彼愛全市排名前四百名㱏有法度,若這,我是無啥有信心。
我一路行一路想,連鞭行到阮叔𢙠兜,也無拍門,直透從(sōng)入去。入去了,雄雄聽著細細聲,若像婦人儂咧哼(hiⁿ),即號聲我捌佇狗斌𢙠兜聽過,狗斌𢙠兜有影碟機仔,狗斌定定去墟市買片來看,攏是一寡不答不七的片,我佮狗斌真mà-chì,定定咧傍伊的福氣,免開錢,著通看著彼予儂看著會「心肝筅、面仔紅」的電影。
「當頭白日,虎仔叔嘛傷譀啊啦!」我心內咧譬相伊。
是講,嘛莫怪啦,厝內囥一个潘金蓮,有幾个諸夫儂節會櫥?
「毋著啊!」阮叔仔照講無佇咧㱏著,今仔是禮拜,愛出貨。故再講,伊彼頂Santana嘛無拋佇門口啊。啊!總無,細漢嬸咧討契兄?!
我頭腦內隨浮出彼號諸夫、諸姥,赤身露體,攬做伙咧「相偃」、「扮公伙仔」的情景。
「哼,我當來看是啥儂遐好大膽!」 (繼續閱讀…)

峇里嶼異性SPA體驗記

原著:毋知影
翻譯:有閒來坐

久久聽儂講南洋峇里嶼的SPA真出名,趁即擺出去行遊的機會,中間有交朋友相合去遐痟一擺,感覺𣍐輸做女王咧予儂奉承服侍共款。當今我卜共即擺SPA的經歷交列位姊妹分享一下。峇里嶼有濟濟款樣的SPA,要緊攏是為著卜放鬆、次序佮調養身軀。逐間SPA的裝潢、主題攏各樣。 (繼續閱讀…)

美妙的記持

彼下晡我徛坫佇田岸墘,
看著天邊的雲看日落山。
滿天的田蠳飛來飛去,
彼就是熱天的景致。
微微風吹過我耳邊,
帶著秞草花清芳氣味,
扂淒淒若像光陰倒退,
引我來想起細漢的時。
已經遮濟年佮汝分開,
揣無佗一條歌共我安慰,
我已經𣍐記心內的稀微,
換來美妙的記持。

人生親像是一齣遊戲
有時會進有時會倒退
進進退退,紛紛擾擾
留予咱一路的骹印
毋知啥物時陣㱏會當
故坫田岸看一擺日落
是卜按怎佮汝拽手告別
越頭目屎已滴落胸前
已經遮濟年佮汝分開
揣無佗一條歌共我安慰
我甘願𣍐記心內的稀微
換來美妙的記持

毋通失志

即久仔亵體悿!拄拄看著新聞報講,馬雲故差3億著卜超過李嘉成,成做亞洲第一富的儂。聽了心肝窟仔搐一下,趕緊上網來查本身的排名。好得佳哉,無啥差,排名猶原猶故佇咧14億名的骹兜,當我著放心啊!其實我嘛是有目標的儂,我有烏目鏡,爭差猶未有跑車但定……

昨昏去食燙火鍋,看著火鍋店壁牆頂大大字寫講:羊是家己飼的,菜是家己栽的,油是家己夾(khoeh)的,儂客請放心仔食。結數的時陣,我細細聲仔共店頭家講:頭家啊,這紙字是我家己印的,請放心仔收去用!頭家共我迮去七條街佮八彎斡,迮無著,害我走到強卜害去。誠心適,骹是我家己的,想卜走去佗著走去佗,總有一工我會走揣著眏望卜愛的物件。王仔思聰𢙠老父當初時予伊5億,尾仔伊趁40億,翻8倍;阮老父予我20箍,我買一副手束,去工地予儂倩,搬一工磚仔趁百八,翻90倍!事實證明講,其實我是不止有才調的儂,爭差母本較輸儂但定!

一年舞到迵,逐工用6位數的密碼咧保全彼條無夠3位數的存款,想著骹手嶄然軟。是講,翻頭故再想,其實嘛免傷氣惱。前冬若無收成,著望後冬毋㱏著!汝看,七一建黨,八一建軍,十一建國,濟濟偉大榮光的事業攏是佇下半冬建立完成的,啊若頂半冬毋是清明,著是三八;毋是五四,著是六一,攏是a-sa-put-luh,毋成節氣。

按呢想,心著歡喜啊,煩惱攏放一邊去。

虎咬死儂

虎咬死的彼个是湖北儂,過年後41歲。正月初二彼日,伊抴著牽手的佮兩个囡仔,摻一對翁仔姥做伙來到寧波雅戈爾動物園行遊。無毋著,伊真正是偷走票赸入去的。園內離𢙠第一近的正正是放虎佚陶的所在。彼个同伴的,拍算較小膽抑是按怎樣,毋敢入去,總是,即个事主,也著是路尾予虎咬死的張姓諸夫儂,入去囉。伊大概是看著一个全身包密密的飼養員拄好咧飼虎,虎看起來誠溫馴,乖乖咧食物。伊是盤過牆入去的,彼逝牆敢有四公尺懸,拍算虎卜盤過牆,若無啥物通堁骹,照講是無法度則著。著是對彼陣起,即个事主予遊客看著伊坫佇「放虎地」,有的較小膽的諸姥遊客看著即个儂雄雄出現佇遐,攏驚到用神魂四散去,開喙用吱的。總是,較濟遊客是卜想看即个儂到底入去遐乜事。放虎地,是一个塗洲,四箍圍仔有環一條水溝,大概佮農村鄉社的水溝略略仔卜平闊,毋知虎跳會過抑𣍐,橫直看起來闊闊,照講是不止安全著。講是塗洲,其實尾溜的所在有一小逝路仔佮對面的大片地相粘著,儂通倚牆路骹行過去。頂頭有講啊,即个事主,伊有看著薪勞咧飼虎,拍算嘛想卜倚去弄虎佚陶的款,著做伊行過去虎蹛的所在。彼个時陣,飼虎的儂則看著事主,著猛猛大聲噷喝,叫伊趕緊著走。因為關係性命安全,則姑不將對頭共伊嚷。 (繼續閱讀…)

「持」字兩音的語源層次

昨昏有台灣的朋友來問我講「持」字兩音「chhî」、「tî」,敢是泉、漳方言差?我想想咧應伊講「是一字兩音,毋是方言差」。毋是方言差,敢會是文、白之分?這我起頭嘛想講是文、白差,總是查即字「持」是中古澄母,聲母「t」都事實有影,致到我即時醒悟這敢彩毋是親像普通時所講的文、白差遐簡單,拍算敢是年代層次差(無共年代所生成的音,有早有慢,嘛有親像文、白差啦,總是無像普通時所講的文白差異。通號做「舊文音」、「新文音」)。
過後,我驚見講了有毋著,來害儂受我誤導按呢是誠毋好。我著去掀冊(我著是平素無咧做功課,臨時臨耀,屎緊則卜開礐)。 (繼續閱讀…)

囡仔時

溪岸邊的相思樹
𧌄蜅蠐吱吱吼 吼𣍐停
操埕邊的韆鞦頂
有幾隻尾蝶歇咧秋凊
烏枋頂先生的粉筆
猶原佇咧si̍hⁿ-si̍hⁿ-soa̍ihⁿ-soa̍ihⁿ寫攏𣍐停
聽候通落課 聽候通放暇(pàng-hē)
聽候滾嘩的心情

福利社內底逐項攏有
但是橐袋仔不時牽磅燈
烏貓警長佮鼠賊仔
到尾siâng搶著彼支洋銃
隔壁班的彼个諸姥囡仔
哪無行過我的窗前
喙咧哺四秀 手掀著古冊
眏望初戀的人生

逐擺愛等到卜睏以前
則想著功課猶未做完成
逐擺愛等到考試以後
則發覺讀過的冊攏無夠用
一寸光陰一寸金
先生講過千金難買是光陰
一工過一工 一冬過一冬
戇戇毋知影半項

無儂知影是為啥物
日頭卜落佇山的彼一爿
也無儂會當共我講(káng)
神仙敢真正徛佇山頂
𣍐記得幾千擺坐佇
操埕邊的韆鞦頂 失神失神
愈想愈神奇 愈夢愈趣味
心適難忘的過程

日頭光曜(chhiō)著畻蠳飛
彼一片黃gìm-gìm的畻園
水彩蠟筆佮萬花筒
畫𣍐出天邊彼逝七彩環
啥物時陣則會當
較躴淡薄較緊變大漢
日日咧眏望 年年咧眏望
想卜趕緊來大漢
一工過一工 一冬過一冬
眏望趕緊來大漢

燒酒透膏啡

燒酒透膏啡
本然卜啉一喙
想起著過去
又佫再啉一喙
明其知 愛情像流水
管待伊愛是誰(chī-chūi)
我卜燒酒透膏啡
一喙紲一喙

我本無酒醉
我不過心卜碎
妖嬌的花蕊
汝哪會面帶黃(uîⁿ)
假使汝也是心頭酸(suiⁿ)
陪汝啉一喙
我卜燒酒透膏啡
一喙紲一喙